Foto: poltava.to
Atap aıtqanda, oıyndarǵa jáne bás tigýge tyıym salynǵan adamdardyń tizimi keńeıtildi. Boryshkerlerdiń biryńǵaı tiziliminde turatyndarǵa bás tigýge jáne qumar oıyn oınaýǵa tyıym salyndy.
Sondaı-aq jaýapty memlekettik laýazymdy atqaratyn, memlekettik fýnksııalardy oryndaýǵa ýákilettik berilgen jáne olarǵa teńestirilgen adamdarǵa da birqatar shekteýler qoıylǵan.
Endi memlekettik qyzmetkerler, áskerı qyzmetkerler, arnaıy jáne quqyq qorǵaý organdarynyń qyzmetkerleri, bıýdjettik uıymdardyń basshylary qumar oıyndar men bás tigýge qatysa almaıdy. Atalǵan shekteýlerdi saqtamaǵan memlekettik qyzmetker jumystan shyǵarylady.
Esterińizge sala keteıik, 2024 jyldyń 8 shildesinde Memleket basshysy «Qazaqstan Respýblıkasynyń keıbir zańnamalyq aktilerine oıyn bıznesi, lotereıa qyzmeti, densaýlyq saqtaý, memlekettik eńbek ınspeksııasy, memlekettik baqylaý jáne artyq zańnamalyq reglamentteýdi boldyrmaý máseleleri boıynsha ózgerister men tolyqtyrýlar engizý týraly» Zańǵa qol qoıdy.
