Foto: «QazMunaıGaz» UK AQ
Aıta keteıik, Damır Áshimov «QazMunaıGaz» júıesinde 15 jyldan asa ýaqyt jumys istep kelgen. Ol eńbek jolyn «Pavlodar munaı-hımııa zaýyty» JShS-de tehnologııalyq qondyrǵylar operatory bolyp bastaǵan. QMG ortalyq apparatynda munaı óńdeý jáne munaı hımııasy departamentinde túrli laýazymda bolǵan. 2018 jyldan bastap «KPI» JShS-de basshylyq qyzmetterdi, sońǵy ýaqytta kásiporynnyń óndiris jónindegi dırektory — bas ınjeneri qyzmetin atqarǵan.
QMG basshysy zaýyttyń burynǵy bas dırektory Danııar Tıesovke qýaty jylyna 500 myń tonna polıpropılen óndiretin alǵashqy ıntegrasııalanǵan gaz hımııa keshenin — KPI salýǵa jáne iske qosýǵa qosqan úlesi úshin rızashylyǵyn bildirdi.
«QazMunaıGaz» UK AQ Basqarma tóraǵasy Ashat Hasenov KPI ozyq tehnologııalyq jabdyqtar ornatylǵan elimizdiń ónerkásiptik keshenderiniń biri ekenin atap ótip, KPI-diń jańa basshysyna kásiporynnyń turaqty jumysyn qamtamasyz etý jáne energııa senimdiligin arttyrý boıynsha birqatar mindet júktedi.
Sonymen qatar jıyn barysynda eldiń ishki suranysyn qamtamasyz etý maqsatynda otandyq polıpropılen óńdeýshi kompanııalarmen turaqty ári tıimdi ózara is-qımyldy jalǵastyrýdyń qajetine nazar aýdaryldy.
