Foto: Depositphotos
Aıta keteıik, qujattar kólik quraldarynyń jekelegen túrleriniń, onyń ishinde mopedterdiń qozǵalysyn uıymdastyrý jáne el aýmaǵynda jol qaýipsizdigin sıfrlandyrý salasynda týyndaıtyn máselelerdi quqyqtyq retteýdi qamtamasyz etýdi kózdeıdi.
– «Jol júrisi týraly» zańǵa «ortasha jyldamdyq» uǵymy engiziledi jáne ony esepteý tártibi ózgeredi. Naqtyraq aıtqanda, jalpyǵa birdeı paıdalanatyn halyqaralyq jáne respýblıkalyq mańyzy bar joldar ýchaskesiniń uzyndyǵyn kóliktiń júrip ótken joldaǵy ýaqytqa bólý arqyly aıqyndalatyn bolady, - dep habarlady QR Parlamenti Senatynyń baspasóz qyzmeti.
Sonymen qatar mopedterdi memlekettik tirkeý mindeti de engiziledi. Qoldanystaǵy zańnamaǵa sáıkes jobalyq jyldamdyǵy saǵatyna elý shaqyrymnan asatyn mopedter ǵana tirkeýge jatatyn edi, endi barlyq mopedter tirkeýden ótetin bolady.
Oǵan qosa, erejege «A1» kishi sanatyndaǵy júrgizýshi kýáligimen mopedti basqarý quqyǵy rastalatyn túzetý engizý kózdelip otyr, sonymen qatar «A» jáne «V» sanattarynyń bolýy da mopedti basqarý quqyǵyn rastaıtyn bolady.
Senatorlardyń pikirinshe, osy jańalyqtar joldaǵy júris qaýipsizdigin jaqsartýǵa, mopedterdi paıdalaný quqyǵyn retteýdi qamtamasyz etýge, jol-kólik oqıǵalarynyń sanyn azaıtýǵa múmkindik beredi.
