Bul jer resmı túrde jaǵajaı bolyp sanalmaıdy, biraq kelesi jyly bul jaǵalaýda jańa ózgerister oryn almaq. Búgingi tańda sý qoımalaryn jaqsartý boıynsha aýqymdy joba daıyndalyp jatyr.
«Búkil balalyq shaǵymyz osy sý qoımalarda oınaýmen ótti deýge bolady. Munda men júzýdi úırendim, otbasylyq demalysty jıi ótkizip turatynbyz. Jyldar óte kele munda qoqys kóbeıip, demalýǵa yńǵaıly bolmady. Árıne, biz ár demalystan keıin óz ornymyzdy jınaımyz. Biraq barlyǵyn baqylaýda ustaý múmkin emes. Qazir osyndaı úlken ujymmen qoqystyń kóp bóligin jınap, shyǵaryp jatyrmyz», – deıdi qala turǵyny Angelına Sıdorenko.
О́skemende barlyǵy 100-den astam eko-shara ótkizildi. 492 aýmaq tazalanyp, 3871 sharshy metr qoqys shyǵaryldy. «Qazaqstan» taýynda 500 kóshet otyrǵyzyldy, ruqsat etilmegen úıindiler joıyldy. «Taza Qazaqstannyń» eki maýsymy ótkizilip, sońǵy maýsymyna 130-dan astam adam tartyldy. Nátıjesinde, 3 tonna qoqys shyǵaryldy. Eń kóp qoqys jınaǵan jeńimpazdar aqshalaı syılyqtarmen marapattaldy.
Sondaı-aq, Qazaqstan kóshesi qaıta jóndelip, Qabanbaı batyr men Pýshkın kósheleri boıynda jaıaý júrginshiler aımaǵy, alańdar abattandyrylyp jatyr. Nazarbaev, Shákárim dańǵyldary men Qazaqstan kóshesi boıyndaǵy úılerdiń qasbetteri jóndeldi.
Qabanbaı Batyr – Qazaqstan, Qazaqstan – M.Gorkıı, Sátbaev – Baıbatchın qıylystary aýdandarynda gúlder otyrǵyzyldy, jańa sýarý júıeleri iske qosyldy. Sonymen qatar eriktiler «Ardagerlerge taǵzym» aksııasy aıasynda jalǵyz turatyn zeınetkerlerge turǵyn úılerdiń aýmaqtaryn tazalaýǵa kómektesti. Mine, oblys ortalyǵynda «Taza Qazaqstan» aksııasy aıasynda osyndaı ıgi is tyndyryldy.
О́SKEMEN
