Sýret: worldnomadgames.com
Oıyn qyrǵyzdyń «Ordo Oıýný» sport federasııasynyń qoldanystaǵy erejelerine sáı̆kes ótetini aldyn ala habarlandy. Bul kúni bizdiń qurama sportshylary B tobynda óner kórsetip, alǵashqy oıynyn Chehııa quramasyna qarsy ótkizdi. Sol kezdesýde asyqshylar qarsylastaryn aıqyn basymdyqpen jeńip, qarymyn birden kórsetti. Aqtyq synǵa ótýge úmitti ekenin baıqatty. Ulttyq qurama sportshylary ekinshi kezeńde Mońǵolııa sportshylaryn da oısyrata jeńdi. Osylaısha, asyqshylar toptyq kezeńnen ońaı ótip, fınalǵa joldama aldy. Endi aqtyq oıyn búgin «Alaý» kesheninde ótedi.
Ovarı sportynan Ásel Dálıeva men Ańsaǵan Qojanásip qorjynǵa medal saldy. Ozyq oılylardyń tartysynda sportshylardyń biri – altyn, ekinshisi – qola júlde jeńip aldy.
Ovarı – Batys Afrıka halyqtarynyń zııatkerlik oı̆yny. Syrttan baqylaǵan adam oıynnyń túrin ózimizdiń toǵyzqumalaqqa uqsatatyny anyq. Oıyndy eki adam oı̆naı̆dy. Oı̆ynnyń ózi taqtanyń eki qatarynda ornalasqan alty birdeı̆ shuńqyrshamen baılanysty. Taqtada bas-aıaǵy 12 kishkentaı̆ shuńqyrsha bolady. Budan bólek oı̆ynshylarda tastardy jınaı̆tyn taǵy úlken jınaqtaýshy shuńqyrshalar bolady. Zııatkerlik oıyndy sportshylar 48 sharmen oı̆naıdy. Iаǵnı taqtanyń óz jaǵyndaǵy alty kishkentaı̆ shuńqyrsha oı̆ynshynyń óz alańy, al qarama-qarsy alty shuńqyrsha sáı̆kesinshe – qarsylastyń alańy. Oı̆ynshylar óz qoı̆masynda múmkindiginshe kóp shar jınaýǵa tyrysady. Kim kóp shar jınasa, sol oı̆ynshy jeńiske jetedi.
Sonymen Batys Afrıka halyqtarynyń zııatkerlik oıynynda áıelder arasynda synǵa túsken eki sportshy da júldeger boldy. Altyn alǵan Ásel Dálıeva – Qyzylordanyń týmasy, eńbek sińirgen sport sheberi. Toǵyzqumalaqty 9 jasynan oınaıdy. Toǵyzqumalaqtan álemniń, eldiń birneshe dúrkin chempıony degen ataǵy taǵy bar. Ańsaǵan Qojanásip te qarajaıaý emes, toǵyzqumalaqtan halyqaralyq dárejedegi sport sheberi. Arýlarymyz bul joly toǵyzqumalaqtan ǵana emes, ovarı zııatkerlik oıynynan da myqtylyǵyn dáleldedi.
