Qaıtarymsyz grant kásipke sep

Qaıtarymsyz granttyń som­masy – 400 AEK (1 476 800 teńge) shamasynda. Bıyl mal shar­ýa­shylyǵyna – 2 331, ósimdik sharýashylyǵyna – 101, qural-saıman, eńbek quraldaryn satyp alýǵa – 2 425, tehnologııalyq jabdyqtardy satyp alýǵa – 3 941, oryn jaıdy jalǵa alýǵa – 143 qaıtarymsyz grant berilgen. Grant alǵandardyń tiziminde kóp­balaly otbasylardyń múshe­lerine – 5 646, múgedektigi bar adamdarǵa – 1 446, múgedektigi bar balalardy tárbıelep otyrǵan ata-analarǵa – 1 045, ataýly áleýmettik kómek alýshylarǵa – 253, asyraýshysynan aıyrylý boıynsha tólem alýshylarǵa – 365, qonys aýdarýshylarǵa – 151 jáne qandastarǵa – 35 grant berildi.

Bıyl granttar alýǵa ótinish­ter­di qabyldaý 2 lek boıynsha ótti. Úmitkerlerden bas-aıaǵy 30 myń­nan astam ótinish tússe, onyń ishinde kópbalaly otbasylardan – 19,4 myń, múgedektigi bar adamdardan – 4,7 myń, múgedektigi bar balaǵa kútim jasaıtyn adamdardan – 3,5 myń, ataýly áleýmettik kómek alýshylardan – 758 ótinish qabyldaǵan. Sondaı-aq asyraýshysynan aıyrylǵan azamattar qatarynan – 1,1 myń adam, 289 qonys aýdarýshy jáne 169 qandas ótinish bergen.

О́tinimderdiń eń kóbi Túrkistan (5,4 myń), Qyzylorda (3,3 myń), Jambyl (3 myń) oblystary men Shymkent qalasynyń (2,4 myń), al eń az sany Ulytaý (221) jáne Qostanaı (490) oblystarynyń úmitkerlerinen túsken. Eske salar bolsaq, granttardy eńbek mobıldiligi ortalyqtary úmit­kerlerdiń ótinishterin qaraý jónindegi aýdandyq, qalalyq komıssııanyń sheshimi negizinde beredi. Ol úshin úmitkerler ózderiniń bıznes-jobalaryn komıssııa otyrystarynda tanys­tyrady. Komıssııa otyrysynyń ótkiziletin orny, kúni men ýaqyty týraly habarlama Business.enbek.kz portalynda grant alýǵa ótinish berýshiniń jeke kabı­netinde jarııalanady. Bul rette komıssııanyń árbir múshesi bıznes-jospardy baǵalaıdy. Ol baǵalaý paraǵyn arnaıy krıterııler boıynsha toltyrady. Iаǵnı komıssııa bıznes-ıdeıanyń básekege qabilettigin, qaıda ótki­ze­tinin, bıznes-jobanyń qar­jylyq ómir­sheńdigin, kásip­kerlik daǵdylardyń deńgeıin jáne jańa ju­­mys oryndaryn qurýǵa qabiletin qaraı­dy. Osy­laı­sha, grant berý týraly sheshimdi ko­mıs­sııa úmit­kerlerdiń bıznes-jobalaryn baǵa­laý­­dyń naqty krı­­te­rııleri ne­gi­­zin­de qabyl­daı­dy.

Komıssııanyń she­­shi­mi týraly aq­­pa­rat úmit­kerdiń Business.enbek.kz por­ta­lyndaǵy jeke kabınetine ji­be­riledi. Komıs­sııa oń sheshim qabyldaǵan jaǵdaıda úmitker salyq organdaryn­da óz qyzmetin tirkeıdi, banktik derektemelerdi usynady, shartqa qol qoıady jáne odan ári toqsan saıyn bólingen qarajattyń paıdalanylýy týraly esepterdi usynady. Bir jaqsysy, munyń barlyǵyn úmit­kerler eńbek mobıldiligi orta­­­­lyq­taryna bar­maı-aq, elekt­ron­dyq formatta úılestire ala­dy.

Taǵy bir mańyzdy derekterge zer salsaq, jyl basynan beri elimizde jumyspen qamtýǵa járdemdesý sharalaryna 448,7 myń azamat qatysypty. 338,4 myń adam jumyspen qamtylsa, onyń 175,9 myńy turaqty jumysqa ornalasqan. Sýbsıdııalanatyn jumys oryndaryna 162,4 myń adam qabyldanǵan. Onyń ishinde áleýmettik jumys oryndarynda – 14,2 myń adam, jastar praktıkasynda – 21 myń adam, qoǵamdyq jumystarda – 101,4 myń adam, «Alǵashqy jumys orny» jobasy aıasynda – 7,9 myń adam, «Urpaqtar kelisimsharty» jobasy aıasynda – 326 adam, «Kúmis jas» jo­basy aıasynda – 17,6 myń adam jumyspen qamtylypty. Eń­bek naryǵynda suranysqa ıe daǵdylar bo­ıynsha onlaın oqytýmen 43,8 myń jumyssyz qamtylsa, onyń 39,7 myńy oqýdy sátti aıaqtady. «Bastaý Bıznes» jobasy boıynsha kásipkerlik negiz­derine oqytýmen 50,6 myń adam qamtylsa, 33,5 myń adam oqýdy aıaqtap, qolyna sertıfıkatyn alǵan.