foto: Qorǵanys mınıstrligi
Oqý-jattyǵýǵa eki eldiń Áskerı-áýe kúshteriniń áskerı qyzmetshileri men Áýe shabýylyna qarsy qorǵanys mamandary qatysty.
Áskerı is-shara áýe shabýylyna qarsy qorǵanys kúsh-quraldaryn birlesip qoldaný máselelerin pysyqtap, jaýyngerlik kezekshilik atqarýdyń erekshe jaǵdaılarynda komandırlerdiń áskerı bólimderdi basqarý boıynsha praktıkalyq daǵdylaryn damytýǵa baǵyttalǵan.
Oǵan maıdan tikushaqtary, armııa jáne áskerı-kólik avıasııasynyń ushaqtary, sondaı-aq Áýe shabýylyna qarsy qorǵanys áskerleriniń kúsh-quraldary jumyldyryldy.
Oqý-jattyǵý barysynda Áskerı-áýe kúshteriniń ushqyshtary Qyrǵyzstan men Tájikstannyń áýe keńistiginde de ushý jattyǵýlaryn oryndaıdy.
«Ashyq aspan-2024» jedel-strategııalyq komandalyq-shtabtyq oqý-jattyǵýyna QR Qarýly kúshteri Áýe qorǵanysy kúshteriniń bas qolbasshysy avıasııa general-leıtenanty Dáýren Qosanov basshylyq etedi.
«Osyndaı oqý-jattyǵýlardy turaqty túrde ótkizip turamyz. Olar dostas elderdiń áskerı qyzmetshilerine áýe shabýylyna qarsy qorǵanys, jaýyngerlik eseptoptardy úılestirý jónindegi birlesken mindetterdi oryndaý kezinde praktıkalyq tájirıbe jınaqtaýǵa, oǵan qosa eki eldiń qorǵanys qabiletin arttyrýǵa múmkindik beredi», dedi D. Qosanov.
Oqý-jattyǵýdyń ereksheligi memlekettik shekara nemese áýe keńistigin paıdalaný qaǵıdalary buzylǵan jaǵdaılarda Áýe qorǵanysy kúshteriniń komandalyq pýnktterimen jáne shektesip jatqan memleketterdiń (Qyrǵyzstan, Tájikstan jáne О́zbekstan) basqarý pýnktterimen ózara is-qımyl jasaý tártibin pysyqtaý boldy.
Budan basqa «Ashyq aspan-2024» birlesken oqý-jattyǵýy sheńberinde Táýelsiz memleketter dostastyǵynyń birikken áýe shabýylyna qarsy qorǵanys júıesi sheńberinde áskerlerdi qarsylas avıasııanyń soqqylaryn toıtarý jóninde praktıkalyq is-qımyldarǵa daıyndaý júrgizildi.
