Foto: Oqu-agartu ministrligi
Oqý-aǵartý mınıstrliginiń málim etýinshe tarıhta tuńǵysh ret elimizdiń kolledj stýdentteri 7 medalon jeńip alyp otyr. «Ult úzdigi» nomınasııasy jáne quzyrettilikter boıynsha úzdikter:
• Rýslan Iýsýpov – Oral aqparattyq tehnologııalar kolledjiniń stýdenti – «Veb-tehnologııalar»;
• Áıgerim Dosova – Shymkent qalasynyń jeńil ónerkásip jáne servıs kolledji – «Sán tehnologııasy»;
• Danııar Ábikenov – Qostanaı avtomobıl kóligi kolledjiniń stýdenti — «Jelilik jáne júıelik ákimshilendirý»;
• Mıhaıl Popov – Almaty qurylys-tehnıkalyq kolledjiniń stýdenti – «Qurǵaq qurylys jáne sylaq jumystary»;
• Tımýr Babenko men Elnar Jýasbaev – Semeı qalasynyń Radıotehnıka jáne baılanys kolledjiniń stýdentteri – «Mobıldi robototehnıka»;
• Janel Saǵyndyq – Almaty qalasy «Ádilet» kolledji – «Qonaq úı resepshıonısti»;
• Artýr Leıman – Pavlodar servıs jáne tamaqtaný kolledjiniń stýdenti – «Meıramhana servısi» – «Ult úzdigi» nomınasııasy.
WorldSkills Lyon – 2024 halyqaralyq kásibı sheberlik chempıonatyna 69 elden 1500-ge jýyq kolledj stýdentteri qatysqan.
Aıta ketsek, WorldSkills International 25 jasqa deıingi jas mamandardyń kásibı daǵdylaryn anyqtaýdy jáne damytýdy kózdeıdi. Chempıonat halyqaralyq yntymaqtastyqty nyǵaıtýǵa jáne sıfrlyq transformasııa jaǵdaıynda jumysshy mamandyqtary men zamanaýı tehnıkalyq bilimniń mańyzdylyǵyn arttyrýǵa baǵyttalǵan. Maqsaty – búkil álem boıynsha tehnıkalyq mamandyqtar boıynsha kásibı daıarlyqtyń mártebesi men standarttaryn nasıhattaý. Esterińizge salaıyq, 2023 jyly Qazaqstan quramasy Gdansk qalasynda ótken EuroSkills chempıonatynda alǵash ret 2 medal jáne 4 medalon jeńip alǵan bolatyn.
