2021 jyly Úkimettiń Qaýlysymen geraldıkalyq zertteýler ortalyǵy ashyldy. Sol jyldyń maýsym aıynda Semeı qalasy ákimdigi tarapynan – Mádenıet jáne sport mınıstrliginiń janynan qurylǵan Memlekettik rámizder men geraldıkalyq belgileri máseleleri jónindegi saraptama keńesine qalamyzdyń basty nyshanyna ótkizilgen baıqaýda úzdik dep tanylǵan nusqalar joldandy.
Jobasy úzdik dep tanylǵan eki adamnyń biri men edim. 2021 jyldyń 25 qarashasynda keńes músheleriniń jasyryn daýys berý arqyly ótkizilgen otyrysynda (№3 Hattama sheshimine sáıkes) Semeı qalasynyń jańa tańbasyna meniń jobamdy paıdalanýǵa ruqsat berildi. Degenmen, Semeı qalasynyń jergilikti atqarýshy bıligi tarapynan jańa tańbany qalalyq maslıhatqa usyný ákimdik tarapynan belgisiz sebeptermen keshiktirildi. Qalaǵa jańa tańbany qabyldaý tek 2022 jyly ǵana óńir basshysy N.Uranhaevtyń tikeleı tapsyrma berýimen ǵana júzege asty. 24 maýsym kúni maslıhattyń Semeı qalasynyń jańa tańbasyn qabyldaý týraly №25/206-VII sheshimi shyǵaryldy. 2022 jyly Mádenıet mınıstrligi tarapynan óńir nyshandaryn qoldaný barysynda basshylyqqa alý jóninde tıisti Ereje joldanǵanymen, jańa tańbanyń baıaý qoldanylýy kóńilge qaıaý salady. Mysaly, kúni keshe ǵana «Semeı qalasynyń Alakóldegi mádenı kúnderi» ótti, qala gerbi joq. Bıylǵy qala kúni merekesiniń afıshalarynda qala gerbi paıdalanylmady. Astana men Almaty qalasynda ótip jatqan is-sharalarda oblystyń emes, qala gerbteri qoldanylady, sebebi, qoldanystaǵy tańba is-sharanyń qaı qalada ótip jatqanynan habardar etedi.
Prezıdent «tarıhı ortalyq» dep joǵary mártebe bergen Semeıdiń elimizdiń rýhanııaty men mádenıetinde alar orny erekshe. Semeı – uly tulǵalardyń izi qalǵan kıeli meken. J. Aımaýytov: «Semeı – bir gýbernııa eldiń mıy. Aqyl-oıdyń tabysy Semeıde!» dep joǵary baǵa bergeni sodan bolsa kerek. Qazirgi ýaqytta oblys ortalyǵynda ótip jatqan is-sharalarda Abaı oblysynyń brenbýgine erekshe basymdyq berilip jatatyny jasyryn emes. Oblys – naqty bir eldi mekenniń emes, memlekettiń ákimshilik birlikteriniń ortaq ataýy. Oblystyń brenbýgi - kórshiles aımaqtarmen shekaralas kire beristerine «Abaı oblysyna qosh keldińizder!» dep qoıylsa sóz basqa. Oblysymyz óziniń jetistigin oblystan tys aımaqtarda aýyz toltyryp aıtarlyqtaı jetistiktermen dáleldeı alsa nur ústine nur bolar edi. Danyshpan Abaı atamyz: «Jaqsy bolsań jaryqty kim kórmeıdi, О́z baǵańdy ózińnen kim suraıdy», deıdi, ózińdi óziń emes, syrt kózdiń maqtaǵany oryndy shyǵar.
Qazirgi ýaqytta Prezıdenttiń tapsyrmasymen quziretti mınıstrlik daıyndaǵan óńirlik nyshandardy ázirleý týraly Úlgilik qaǵıdalary Zakon.kz saıtynda jaryq kórdi. Atalǵan Úlgide óńir tańbalaryna qatysty jergilikti organdardyń mindetteri men óńirlik nyshandardy qoldaný tártibi saýatty túrde qamtylǵanynymen tanysyp otyrmyz. Osyǵan oraı, atalǵan Úlgi erejesi jergilikti memlekettik jáne jergilikti ózin-ózi basqarý zańyna engizilip oblys ortalyǵynyń tańbalary óz laıyqty baǵasyn alady degen úmitim zor.
Erlan ShAIаHMETULY,
Semeı qalasy gerbiniń avtory
