Sýret: kaznpu.kz
Kezdesýde Gonkong bilim berý ýnıversıtetiniń ınternasıonaldandyrý jónindegi vıse-prezıdenti, professor Lo Sıng Kaı «Kazakh Centers of Education» jobasymen tanystyryp, áleýetti arttyrý baǵdarlamasy, halyqaralyq konferensııa uıymdastyrý jáne jazǵy, qysqy mektepterdi ótkizýge qatysty málimetterdi baıandady. Sonymen birge professor ǵalymdardyń ǵylymı jobalardy júzege asyrý jáne «Jasandy ıntellekt jáne ınklıýzıvti bilim berý» ortalyǵynyń qyzmetine qatysty taqyryptardy da tilge tıek etti.
Búginde Gonkong bilim berý ýnıversıteti «QS World University Rankings by Subject» reıtınginde pánder boıynsha 20-orynda tur. Ýnıversıtet ǵalymdarynyń pikirinshe, álemdik bilim keńistiginde bedeldi oqý ornymen seriktestik akademııalyq jáne ǵylymı áleýetti arttyrýǵa yqpal etpek.
Kezdesý barysynda ǵalymdar men zertteýshiler tarapynan jasandy ıntellekt pen ınklıýzıvti bilim berý ortalyǵynyń jumysyna basymdyq berildi.
Aıtalyq, qos ýnıversıtet ǵylym men bilim salasyndaǵy yntymaqtastyqty tereńdetý, bilim almasý maqsatynda joǵary oqý oryndary arasyndaǵy baılanysty keńeıtý týraly kelisimge qol jetkizgen. Buǵan deıingi kezdesýlerde Gonkong bilim berý ýnıversıtetiniń ókilderi «Bir beldeý, bir jol» jobasy aıasynda ýnıversıtet oqytýshylarymen, stýdentterimen suhbat júrgizgen edi. Endi ǵylym, bilim salasy ókilderi arasynda ótken mundaı kezdesý aldaǵy ýaqytta da jandana túspek.
ALMATY
