Máselen, parataekvondodan Nurlan Dombaev pen parajeńil atletıkadan Gúlbaqyt Qaıyrjanova úzdik bestikke endi. Voleıboldy otyryp oınaıtyn ulttyq quramanyń sapyna atyraýlyqtar Qýanysh Tájikov, Baýyrjan Sartaev, Perdebaı Namuratov, Aqylbek Shikibaev, Berik Izmaǵanbetov, Janǵalı Súıeýov, Nurtaý Muqanbetqalıev pen Erlan Bıtemirov endi. Olar komandamen birge besinshi orynǵa ıe boldy. Paradzıýdodan el namysyn qorǵaǵan 5 paradzıýdoshynyń ekeýi – Zarına Raıfova men Jurqamyrza Shúkirbekov Paralımpıadanyń qola júldegeri atandy.
Oblys ákimi Serik Shápknov Parıjde ótken XVII jazǵy Paralımpıada oıyndarynyń júldegerleri men qatysýshylaryn sporttaǵy jetistigimen quttyqtady. Atyraýdyń ǵana emes, el sportyn damytýǵa úles qosqan parasportshylarǵa Alǵyshat pen aqshalaı sertıfıkat tapsyrdy.
«Sizder Parıj Paralımpıadasyndaǵy jetistikterińizben jastarǵa úlgi kórsettińizder. Atyraý jurtshylyǵy da el namysy úshin aıanbaı synǵa túsip, kózdegen maqsatqa qol jetkizgen ózderińizdi maqtan tutady. Aldaǵy ýaqytta da alar asý bıik bolyp, júldelerińiz kóbeısin», dedi S.Shápkenov.
Jergilikti «Infinity Eco Park» kompanııasy Parıj Paralımpıadasynyń qola júldegerleri Zarına Raıfova men Jurqamyrza Shúkirbekovke «Zeekr» avtokóligin syıǵa tartty. Dál osyndaı kólik júldegerlerdiń bapkeri Jandos Qııanovqa da berildi.
Atyraý oblysy
