Foto: Fotolia/Mr Korn Flakes.
Pavlodar oblysynyń bilim basqarmasy bolǵan oqıǵaǵa qatysty túsinikteme berdi.
«18 qyrkúıekte Pavlodar qalasyndaǵy kolledjdiń 2007 jyly týǵan stýdenti Pavlova kóshesindegi úıdiń aýlasynda muǵalimge pyshaq jaraqatyn salyp ketken. Muǵalimge medısınalyq kómek kórsetildi, qazirgi ýaqytta onyń jaǵdaıy qanaǵattanarlyq», dep habarlady oblystyq bilim basqarmasy.
Kolledj basshylyǵy tótenshe jaǵdaıǵa bekitilgen algorıtm boıynsha áreket etkenin atap ótken.
«Atalǵan fakti boıynsha tergeý amaldary bastaldy. Stýdent ustaldy. Bilim basqarmasy bilim berý uıymdarynyń basshylarymen qaýipsizdikti qamtamasyz etý máseleleri boıynsha keńes ótkizdi», dep tolyqtyrdy vedomstvodan.
