S.О́tebaev atyndaǵy Atyraý munaı jáne gaz ýnıversıtetinde oqytýshylarmen, óńirdegi joǵary oqý oryndarynyń jas ǵalymdarymen kezdesý uıymdastyryldy. Shtab músheleri ǵylymdy damytý jáne ǵalymdarǵa áleýmettik qoldaý kórsetý máselesi Memleket basshysynyń nazarynda ekenin atap ótti. Qazir ǵylymı qoǵamdastyqtyń aldynda ónerkásiptik óndiriske ınnovasııalyq tehnologııalar men ázirlemelerdi engizýge qatysty úlken mindet tur.
Iаdrolyq fızıka ınstıtýtynyń bas dırektory Saıabek Sahıev atap ótkendeı, Halyq shtabynyń óńirlerge saparynyń basty maqsaty – turǵyndarmen ashyq ári shynaıy áńgimelesý.
«Álem bir orynda turmaıdy. Elimiz de alǵa qadam basyp keledi. Biz turǵyndarǵa atom salasynda, atom energetıkasynda qandaı jańalyqtar bar ekenin aıtyp, elimizdiń jetken jetistiktermen bóliskimiz keledi. Álemniń ajyramas bóligi retinde bizdiń de aıtýǵa, maqtanýǵa jáne kórsetýge turarlyq jetistikterimiz bar. Atom energetıkasy tek atom elektr stansasy ǵana emes, sonymen qatar ol ekonomıkanyń kez kelgen salasynda qoldanylady. Bul týraly Atyraý oblysynyń turǵyndarymen sóılestik, olardyń pikirin bildik», dedi S.Sahıev.
Atyraý JEO ujymymen kezdesýde shtab músheleri TKSh júıeleriniń qalypty jumys isteýine turaqty ári senimdi energııa kózi qajet ekenin aıtty. Búginde Atyraý oblysy eń joǵary júktemeler kezinde kóp jaǵdaıda Reseıden jetkiziletin energııaǵa táýeldi. Qyrýar qarjylyq shyǵynnan bólek, energııa jetispeýshiligi óndiristik mindetterdi de sheshýge múmkindik bermeıdi. Jýyrda elimizdiń batys óńirlerin biryńǵaı energııa júıesine qosý jumysy bastalady.
Propılen óndiretin «Kazakhstan Petrochemical Industries Inc.» JShS zaýytynda shtab músheleri munaı-gaz jáne hımııa ónerkásibi ókilderimen júzdesti. Joǵary tehnologııalyq ónerkásiptik óndiristi odan ári damytýdyń jáne Prezıdenttiń 2029 jylǵa qaraı eldegi IJО́-ni eki ese arttyrý týraly tapsyrmasyn oryndaýdyń basty faktory – senimdi ári turaqty energııa kózi.
Budan soń shtab músheleri «Dáýlet» ındýstrııalyq aımaǵy kásiporyndarynyń qyzmetkerlerimen kezdesti. Munda kıim tigetin, nan, kondıterlik, makaron ónimderin, et konservilerin, aýyzsý, qurylys qospalaryn, taǵy da basqa zattardy óndiretin kompanııalar jumys isteıdi. О́zge óńirlerdegi sekildi mundaǵy bıznes ókilderi de qazirgi energııa tapshylyǵy jańa tehnologııalardy iske qosýǵa múmkindik bermeıtinin, óndiristiń damýyn tejeıtinin jetkizdi. Olardyń aıtýynsha, kóptegen áleýeti zor jobalardyń elektr energııasynyń tapshylyǵyna baılanysty júzege asyrylýy múmkin bolmaı keledi.
