Quqyqtyq saýat tutyný mádenıetin kóteredi

Departament basshy­synyń orynbasary Nurlan Ábdıev eń kóp taraǵan zań buzýshylyqtar tutyný­shylardyń talaptaryna ýaqtyly jaýap bermeý, son­daı-aq áleýmettik mańyzy bar azyq-túlik taýarlaryna qatys­ty zańnamada belgilengen saýda ústemesin buzý jaǵdaılary jıilegenin aıtady. О́tinishterdi qaraý qorytyndysy boıynsha 40 jospardan tys tekserý júr­gizilip, zań buzýshylarǵa 168 ákim­shilik jaza taǵaıyndalǵan.

«Derekterdi taldaý nátıjesi tuty­nýshylyq quqyqtyq má­denıet­tiń qalyptasa basta­ǵa­nyn, degenmen josyqsyz kásip­kerlik qyzmettiń de erik bermeı turǵanyn kórsetip otyr. «Sapaly ónim» áleýmettik jobasy aıasynda Almaty qalasynyń qoǵamdyq uıymdary azyq-túlik qaýipsizdigi sapasynyń sáıkestigin anyqtaý úshin sheteldik óndirýshilerdiń 66-ǵa jýyq ónim ataýyn satyp alyp, tamaq ónimderin synaý zerthanasyna saraptama júrgizýge jiberdi. Nátıjesinde, 24 bıznes sýbektisi ákimshilik jaýapkershilikke tartyldy. Sony­men qatar 8 aıdyń qory­tyndysy boıynsha baǵa belgileýge jáne tutynýshylardyń quqyq­taryn qorǵaýǵa qatysty birqatar josyqsyz qyzmet anyqtaldy. Bul faktiler joıylyp, 396 ákim­shilik hattama toltyryldy», deıdi N. Ábdıev.

Tutyný quqyǵyn buzýdyń kóptegen mysaly bar. Kóbinese azamattar jıhaz jasaý jáne jóndeý qyzmetine shaǵymdanatyn kórinedi. Mundaı jaǵdaılar tek Almatyda emes, barlyq aımaqta kezdesedi. Mamandar talaptardyń ósýin tutyný mádenıetiniń ósýimen baılanys­­tyrady. Almaty qalasy boıynsha saýda jáne tutyný­shylardyń quqyqtaryn qorǵaý departamenti turǵyndarǵa túsin­dirý jumystaryn júrgizip, quqyq­tyq kómek kórsetedi.

Departament mamandary TKSh qyzmetteri, sondaı-aq bilim berý, medısına, qoǵamdyq tamaqtaný jáne baılanys salalaryna qatysty ótinishter qalanyń jergilikti atqarýshy organdary, Ishki ister organdary jáne uıaly operatorlarmen birlese pysyqtalatynyn aıtady. Tipti jaýapty basqarma is nasyrǵa shapqan jaǵdaıda, sotqa úshinshi tulǵa retinde qatysady.

Álemdik tájirıbede azamat­tarǵa tutyný quqyn úıretý maqsatynda arnaıy sabaqtar júrgiziledi. Jyl basynan beri mundaı bastama Almatyda da júzege asa bastady. Halyq­tyń quqyqtyq saýatyn arttyrýǵa ba­ǵyttalǵan jobany qala bı­liginiń qoldaýymen «Jana­shyr» halyqaralyq qoǵamdyq qory qolǵa alǵan. Qoǵamdyq qor mamandary, kúni búginge deıin myńǵa jýyq almatylyq keńes alý maqsatynda qor kómegine júgingenin jetkizdi.

– Joba jyl sońyna deıin jalǵasady. Joǵary oqý oryn­da­rynyń stýdentterine, qala­nyń saýda núkteleri men mekeme­le­rindegi tutynýshylarǵa oqytý jumystary júrgizilip jatyr. Instagram, Facebook, Telegram áleýmettik jelilerinde «Tutynýshy-Potrebıtel» aqpa­rattyq akkaýnttary belsendi jumys isteıdi. Saýda oryndarynda tutynýshylar quqyn qorǵaý salasyndaǵy jańa zańnama bo­ıynsha keńes beretin mobıldi zań qyzmeti iske qosyldy. «Sapaly ónim» jobasynyń maqsaty – ishki naryqta azyq-túlik ónimderiniń qaýipsizdigin qamtamasyz etý. Jańa zańnama qoǵamnyń ómir súrý sapasyn jaqsartýǵa jáne tutynýshylardyń quqyqtaryn qorǵaý máselelerinde úkimettik emes ınstıtýttardyń rólin nyǵaıtýǵa baǵyttalyp otyr. Álbette, bizde áli saýda máde­nıeti qalyptaspaǵan jáne tu­tyný­shylardyń quqyqtyq saýaty damymaǵan. Sondyqtan joba aıasynda biz azamattardyń qu­qyqtyq saýatyn arttyrýǵa barynsha kúsh salamyz. Qala turǵyndaryn ózderi úshin jasal­ǵan múmkindikti tıimdi paı­dalanýǵa jáne belgi­lengen zańdardy saqtaýǵa shaqy­ramyz. О́z quqyqtaryńyzdy bilý jáne ýaqtyly qoldaný aldanyp qalýdan saqtaıdy. Qoǵamnyń árbir múshesi quqyqtyq saýatty bolýy jáne tutyný quqyǵyn qorǵaýǵa jaýapty bolýy kerek. Bul ómir súrýge jáne jumys isteýge qolaıly jaǵdaı jasaıdy. Aýdan basshylarynan bastap saýda núkteleri men joǵary oqý oryndaryna deıingi ártúrli deńgeıdegi basshylar tutynýshylardyń quqyqtaryn qorǵaýǵa múddeli úkimettik emes uıymdardyń jumysyn belsendi qoldaýǵa tıis. Tek osy jaǵdaıda ǵana nátıjeler múm­kindiginshe ónimdi bolady, – deıdi «Janashyr» halyqaralyq qoǵamdyq qorynyń prezıdenti Jańyl Ápetova.

ALMATY