Foto: News/Ulttyq qurama (telegram.org)
Qyrǵyzstannyń Kókbórú federasııasy Qazaqstan kókparshylaryn 1 qarasha kúni Ystyqkól jaǵasynda qarymta oıyn ótkizýge shaqyrǵan edi.
Eske sala keteıik, Astanada ótken Dúnıejúzilik kóshpeliler oıyndarynda Ulttyq qurama Qyrǵyzstannyń kókparshylarynan basym túsip, jeńiske jetken edi. Biraq oıyn barysynda ulttyq qurama sportshysy qarsylasyn qamshymen uryp, oıynnyń arty daýǵa ulasqan.
«Kópshilik muny 5-shi Dúnıejúzilik kóshpeliler oıyndarynyń fınaly boıynsha qarymta kezdesý dep oılap júr. Qyrǵyzstan tarapy ashyq týrnırge qatysýǵa shaqyrdy. Eskere ketetin jaıt, bul týrnır bizdiń kúntizbelik josparymyzda joq. Ol ýaqytqa ózimizdiń basqa týrnırlerimiz qoıylǵan. Aldaǵy ýaqytta Qyrǵyzstan tarapy kókpardan álem chempıonaty nemese halyqaralyq týrnırlerge shaqyrǵan jaǵdaıda dıalog júrgizýge ázir ekenimizdi jetkizemiz. Bul qýantarlyq jaǵdaı. Ulttyq oıynymyzdyń deńgeıi bir saty kóterilgendiginiń belgisi retinde qabyldaımyz», dedi Qazaqstannyń Kókpar federasııasy.
