Foto: oqu.news
Oqý-aǵartý mınıstrliginiń habarlaýynsha, jańa oqý jylynyń basynda bilim berý salasyndaǵy sapany qamtamasyz etý jónindegi aýmaqtyq departamentter 422 bilim berý uıymynda baqylaý-baǵalaý is-sharalaryn júrgizgen. Is-sharalar oqý úderisindegi problemalardy anyqtaýǵa, oqý prosesiniń memlekettik jalpy bilim berý standartynyń talaptaryna jáne biliktilik talaptaryna sáıkestigin anyqtaýǵa baǵyttalǵan.
«О́tken jyly Komıtet pen onyń aýmaqtyq departamentteri 2624 bilim berý uıymynda túrli tekserýler júrgizdi, onyń ishinde memlekettik attestattaý, profılaktıkalyq baqylaý, shaǵymdar boıynsha jospardan tys tekserýler júrgizildi. Tekserý nátıjesinde muǵalimderdiń biliktiligin arttyrý kýrstarynyń ýaqtyly aıaqtalmaýy, mektepterdiń materıaldyq-tehnıkalyq bazasynyń talapqa saı qamtamasyz etilmeýi faktileri anyqtaldy», dedi Bilim salasynda sapany qamtamasyz etý komıtetiniń tóraǵasy Ernur Dáýenov.
Aıta keterligi, monıtorıng jáne baǵalaý qyzmeti - bilim berý qyzmetiniń sapasyn, bilim berý úderisine qatysýshylardyń quqyqtary men qaýipsizdigin qorǵaýdy qamtamasyz etetin shara.
