Foto: Olympic.kz
Aıta keteıik, birneshe kún buryn Olımpıadadan keıingi alǵashqy oqý-jattyǵý jıynyna kirisken ulttyq quramamen qazirgi ýaqytta Qaırat Sátjan bastaǵan jańa bapkerlik quram jumys júrgizip jatyr. Bapkerlik keńestiń sheshimimen sapqa birqatar maman qosylǵan.
Komandanyń bapkerler quramy:
- Qaırat Sátjan - bas jattyqtyrýshy;
- Asqar Erkebaev - aǵa jattyqtyrýshy
Jattyqtyrýshylar:
- Ilııas Oralbekov;
- Nurken Andasov;
- Azamat Maqajanov;
- Talǵatbek Jakpekov;
- Nurjan Nasanov.
Sonymen qatar qazirgi ýaqytta Azııa chempıonatyna daıyndyq barysynda komandaǵa bilikti maman, dıetolog-nýtrısıolog, Aleksandr Ýsık, Vasılıı Lomachenko, Teofım Lopez, Terens Kroýford jáne taǵy basqa júzden asa kásipqoı boksshymen jumys istegen Aleksandr Foka kómek kórsetip jatyr.
Aıta keterligi, joǵaryda kórsetilgen bapkerler tizimi áli de tolyqtyrylady. Jańa mamandar boıynsha sheshim jeltoqsan aıynda ótetin Qazaqstan chempıonatynan keıin qabyldanatyny habarlandy.
