Foto: senate.parlam.kz
Joǵarǵy Palatanyń baspasóz qyzmeti málimdegendeı, senatorlar kezdesýler barysynda energııanyń eń ekologııalyq taza túri retinde atom energetıkasynyń artyqshylyqtaryna toqtaldy. Sondaı-aq AES qaýipsizdigi jáne qorshaǵan orta men halyqty qorǵaýdy qamtamasyz etý jónindegi qabyldanatyn sharalar máselesin talqylady. Kezdesýlerde atom energetıkasy kómirsýtegi kózine ekologııalyq eń taza balamanyń biri ekeni tilge tıek etildi.
«Tabıǵı ýrannyń bir kılogrammy 10 tonna kómir óndiretindeı energııa beredi. Bul atom energııasynyń qanshalyqty tıimdi ekenin aıqyn kórsetedi. Elimizdiń ósip kele jatqan qajettiligin qanaǵattandyrý úshin bizge senimdi jáne ekologııalyq taza energııa kózi qajet. AES azamattardyń ornyqty bolashaǵyn qamtamasyz etýge múmkindik beredi», dedi Janna Asanova.
Kezdesýde AES salý jóninde ótetin referendýmnyń negizgi máseleleri de talqylanyp, atalǵan joba Qazaqstan úshin mańyzdy qadam ekeni aıtyldy.
