Foto Senattyń baspasóz qyzmeti
Depýtattar atom elektr stansııasyn salý týraly aldaǵy referendýmǵa qatysty ózekti taqyryptardy talqylady. «Agro-Esil» JShS, «Namys» JShS jáne Stavropol orta mektebiniń eńbek ujymdary kókeıde júrgen saýaldaryn qoıyp, qyzý pikirtalas óristedi.
«Atom elektr stansııasyn salý – bizdiń bolashaǵymyzdyń máselesi ekenin bárimiz túsinemiz. Sondyqtan oılasa otyryp, salmaqty sheshimge kelý kerek. Bizdiń jáne balalarymyzdyń bolashaǵy qandaı bolatynyn referendým qorytyndysy pash etedi», dedi Olga Perepechına.
Talqylaý barysynda AES qurylysyna qatysty ekologııalyq jáne ekonomıkalyq máseleler, sondaı-aq onyń Qazaqstan azamattarynyń ómirine áseri atap ótildi. Kezdesýge qatysýshylar senatorlar bergen túsiniktemege oraı óz alańdaýshylyqtaryn bildirdi.
«Árbir azamattyń referendýmǵa qatysýy mańyzdy. Bul barlyq qazaqstandyqtardyń óz pikirin bildirý jáne elimizdiń bolashaǵyna áser etetin sheshimge belsendi qatysý quqyǵy», dep atap ótti depýtat Ásem Rahmetova.
