foto: QR Densaýlyq saqtaý mınıstrligi
El azamattary jedel járdemniń qyzmetine jıi shaǵym túsiredi. Olardyń shaǵymdaryna taldaý júrgizý barysynda shaqyrtýlardyń 50%-dan astamy shuǵyldyqtyń tórtinshi sanatyna jatatynyn kórsetti, bul emhanalardy qosa alǵanda, medısınalyq-sanıtarııalyq alǵashqy kómek uıymdarynyń (MSAK) baqylaýyndaǵy sozylmaly aýrýlary bar pasıentterge qyzmet kórsetýdi bildiredi.
«Osyǵan baılanysty Mınıstrlik Medısınalyq-sanıtarııalyq alǵashqy kómek kórsetý standartyna jáne Jedel medısınalyq kómek kórsetý qaǵıdalaryna ózgerister jobasyn ázirledi. О́zgerister úıde qyzmet kórsetýdi toqtatatynyn bildirmeıdi, kerisinshe medısınalyq qyzmetterdiń qoljetimdiligi men sapasyn jaqsartýǵa baǵyttalǵan. Dárigerdi úıge shaqyrtýlardy tirkeýge jáne úıdegi stasıonarlardy uıymdastyrýǵa qatysty tarmaqtar qujattyń qurylymyn jaqsartý úshin jobanyń basqa bólimine aýystyryldy, biraq olar kúshinde qalady. MSAK-tyń medısına qyzmetkerleri aldyńǵy standarttyń sheńberinde úıde kómek kórsetýdi jalǵastyrady», delingen habarlamada.
Densaýlyq saqtaý mınıstrligi qyzmet kórsetý sapasy men azamattardyń qanaǵattanýshylyǵyn arttyrý úshin medısınalyq kómek kórsetý júıesin jetildirý boıynsha jumysty jalǵastyrady.
