Qarııalarǵa qamqor ortalyq

Shymkent qalasynda mıllıonnan astam halyq bar. Demek zeınetkerlerdiń de sany ájeptáýir. Olarǵa jaǵdaı jasaý – jergilikti atqarýshy bıliktiń basty mindetiniń biri. Keńestik dáýirde megapolıs aýmaǵynda qanshama zaýyt-fabrıka, mekemeler salyndy. Áleýmettik nysandar men kópqabatty tur­­ǵyn úıler boı kóterdi. Táýel­siz­diktiń alǵashqy jyldarynda qurylys jumystary qar­qyndy júrgizilip, qalany kór­keıtý baǵytynda da kóp jumys atqaryldy. Mine, osy jumystardyń bárine de belsene atsalysqan búgingi zeınet jasyndaǵy aǵa-apa­la­ry­myz. Sondyqtan olarǵa qan­daı jaǵ­daı jasalsa da jarasym­dy. Mem­leket tarapynan túr­li qol­daý, kómek sharalary júıe­li uıym­­dastyrylyp keledi.

Máselen, Shymkentte bul kúnde «Belsendi uzaq ómir» orta­lyǵy qarttarǵa jan-jaq­ty qyzmet kórsetedi. Mundaı mekeme shaharda bireý emes, úsheý. Endi buıyrtsa, tór­tin­shisi ashyl­ǵaly jatyr. Olar­dyń bári de jumyspen qam­tý jáne áleýmettik qor­ǵaý basqarmasyna qaraıdy. Ba­synda 2019 jyly «Asyl júrek» áleýmettik-medı­sı­nalyq ortalyǵy bolyp ashyl­ǵan mekeme ataýy 2021 jyly esimin qazirgi ataýyna óz­gertti. «Belsendi uzaq ómir» ortalyǵynyń áleý­met­tik qyzmetkeri M.Arys­bae­va­­nyń aıtýynsha, kún saıyn­ segiz júzden astam zeınetker eki mezgil – tańerteńnen túske deıin, tústen keshke deıin qaladaǵy 3 ortalyqta kó­ńil sergitip, demalyp, me­dı­sınalyq em-domdar qa­byl­daıdy. Massajǵa barady, ıogamen aınalysady, tań­ǵy jattyǵýlar jasaıdy, tre­na­jerlik zalda shynyǵady. Odan bólek shahmat, doıby oınap, bılıardtan kishi týrnırler ótkizip, ústel tennısinde jary­syp, kóńil sergitedi. Medı­sınada denemen birge mıdy jat­tyqtyrý da paıdaly. Ásirese ol zeınet jasyna kelgen qartań kisilerge óte kerek. Sol sebepti ardagerler oıyn, fızıkalyq qımyl-áreketten bólek, kitap oqyp, beıneleý óneri, qysh óneri bólmelerinde shyǵarmashylyǵyn shyńdap, rýhanı lázzat alady. Sonymen birge ártúrli tanymdyq taqy­rypta kórkem fılmder tamashalap, karaokede án salyp, kóńil kóteredi. Eń bas­tysy, tek ǵımarat ishinde qa­malyp qalmaı, aptanyń ár ju­­m­asynda dendrosaıabaqqa ba­ryp, túrli jattyǵý jasap, den­­saýlyqtaryn nyǵaı­ta­­dy. Mu­n­da tek zeınet ja­syn­daǵy aza­­mattar ǵana emes, Ekin­shi dún­ıe­­júzilik soǵys arda­ger­le­rine teńes­tirilgen jandar da de­mala alady.

Búginde jasy 65-ke kelgen, talaı jyl quqyq qorǵaý salasynda eńbek etip, polısııa ma­ıory shenimen zeı­net­kerlikke shyqqan Aǵmen Jumabaev ta osy ortalyqtyń turaqty qyz­me­­­tin kórip júr­gen jandardyń biri. Qazirgi tańda Qarttar kúnine oraı arnaıy kon­sert­tik qoıy­lym daıyndap jatyr.

«О́zim polısııada jumys iste­sem de, ónerge bir taban bol­­dym. Án salǵandy, mýzy­ka­lyq aspapta oınaǵandy jaq­sy kóremin. Sonymen birge sport­ty da janymnan tastaǵan emes­pin. Ortalyqta ústel tennı­sin oı­nap turamyn. Odan bólek, shy­ǵar­mashylyqpen aınalysamyn. Shynyn aıtqanda, bul jer me­niń talantymnyń kádim­­gi­deı tynysyn ashty. Qarııa­lar­ǵa osyndaı qyzmet uıym­­das­tyrǵan memleketke kóp rah­­met. «Adam qartaıǵanda úıge syı­maıdy» degen ras. Keı­de bir jerge baryp, qur­das­­­tarmen áńgi­melesip, kóńil ser­­­gitkiń ke­ledi. Orta­lyq – jal­ǵyz­dyqtan qajy­ǵan jan­dar­­ǵa na­ǵyz taptyrmas oryn», deıdi ol.

ShYMKENT