Foto: AShM baspasóz qyzmeti
Aýyl sharýashylyǵy mınıstrliginiń málimetinshe, 35,4 gektar aýmaqty alyp jatqan orman qorynyń jerleri zańsyz túrde jeke menshikke berilgen. Jerler Taldyqorǵan qalasynyń saıabaq aımaǵynda ornalasqan.
«Jer kodeksin buzý faktisi anyqtalǵandyqtan, Jetisý oblysynyń mamandandyrylǵan aýdanaralyq ekonomıkalyq soty Taldyqorǵan qalasy ákimdiginiń jer ýchaskesin berý týraly qaýlysynyń kúshin joıý týraly sheshim shyǵardy. Atalǵan jer ýchaskelerimen baılanysty satyp alý-satý, syıǵa tartý jáne muragerlik quqyǵy týraly kýáliktiń barlyǵy jaramsyz dep tanyldy», delingen vedomstvo habarlamasynda.
Jaýap berýshiler sot sheshimine qarsy apellıasııalyq shaǵym bergen.
Nátıjesinde, oblystyq sottyń azamattyq ister jónindegi sot alqasynyń qaýlysymen apellıasııalyq shaǵym qanaǵattandyrylmaı, birinshi ınstansııa sotynyń sheshimi ózgerissiz qalǵan.
