foto ashyq derekkóz
IIM krımınaldyq polısııa departamentiniń qyzmetkerleri kórshiles memleketterde izdeýde júrgen qylmyskerlerdi ustady. Bul týraly QR IIM krımınaldyq polısııa departamentiniń bastyǵy Qanat Nurmaǵambetov aıtty.
Túrkistan oblysynda Reseı Federasııasynyń Samara qalasynda 2023 jyldyń sáýir aıynda óziniń tanysyn óltirgeni úshin izdeýde júrgen Tájikstan Respýblıkasynyń azamaty ustaldy.
Almaty oblysy Qaskelen qalasynda 2023 jyldyń qarasha aıynan beri izdeýde bolǵan О́zbekstan Respýblıkasynyń azamaty ustaldy. Ol 2021-2023 jyldar aralyǵynda Tashkent oblysynda kóppáterli úılerdi jóndeý barysynda jalǵan qujattardy usyný arqyly alaıaqtyq jolmen 180 mln 476 myń som qarajatyn ıemdengen.
Almaty qalasynda Bishkekte óziniń ógeı qyzyn zorlaǵany úshin 47 jastaǵy Túrkııa Respýblıkasynyń azamaty ustaldy. Qyrǵyz Respýblıkasynyń quqyq qorǵaý organdarymen izdeýde bolǵan.
Qyzylorda qalasynda 2022 jyly Reseı Federasııasynyń Sochı qalasynyń turǵynynan aldaý arqyly 1 mln reseı rýblin alyp, óz qajettiligine jumsap jibergen 30 jastaǵy Reseı Federasııasynyń azamaty ustaldy. Osy jyldyń sáýir aıynan bastap izdeýde bolǵan.
Qabyldanǵan sharalar nátıjesinde IIM qyzmetkerleri izdeýde júrgen 1495 qylmyskerdi ustap, 1000-nan astam habar osharsyz ketken azamattyń júrgen jerlerin anyqtady. Sondaı-aq elimizdiń aýmaǵynda shet elderde izdeýde júrgen 642 qylmysker quryqtaldy.
