Farmasevtıka iri kompanııalarmen birlesse ıgi

Jaqynda Shvesııa ­­men Ulybrı­ta­nııanyń Qa­­zaq­standaǵy elshi­ligi, «Kazakh Invest» aksıonerlik qoǵamy, «AstraZeneka» bıo­far­ma­sevtıkalyq kompanııasy men «Roche» ókilderi baspasóz más­lı­hatyn ótkizdi. Qonaqtar ınno­vasııalyq preparattar, ınves­tısııa taqyrybyn qaýzady. Spı­kerler shetelden ınvestısııa tartý men jergilikti farmasevtıka salasyn odan ári damytýda zııatkerlik menshik quqyq­taryn qatań saqtaýdyń mańy­zyn aıtty. «AstraZeneka» kom­panııasy otandyq alańdarda kelisimsharttyq óndiriske tran­sulttyq farma­sev­tıkalyq kompanııalardy tartý jónindegi ın­ves­tısııalyq jobanyń aralyq nátıjelerin usyndy. Atalǵan kompanııanyń basshylyǵy keler jyly eldegi kelisimsharttyq óndiriske 7 mlrd teńge kóleminde ınvestısııa salý josparlaǵanyn rastady. Baspasóz máslıhatyn­da Shvesııanyń Qazaqstandaǵy Tótenshe jáne ókiletti elshisi Eva Pýlano, Ulybrıtanııa elshi­liginiń Saýda jáne ınvestısııalar máseleleri jónindegi dırektory Bet Makkendrık, «Kazakh Invest» AQ jobalarynyń jetek­shisi Dınara Isabekova, «AstraZeneka» kompanııasynyń dırektory Marııa Shıpýleva baıan­dama jasady.

Shvesııa elshisi Eva Pýlano medısına salasyndaǵy ynty­maq­tastyq týraly áńgi­meledi. Bıyl maýsym aıynda eki eldiń medısınalyq qoǵamdastyǵy ara­synda tájirıbe almasý maqsatynda elimizde den­saý­lyq saqtaý jónindegi Shved alıansy ashylǵanyn habarlady. Al Ulybrıtanııa elshiliginiń Saýda jáne ınvestısııalar máse­le­leri jónindegi dırektory Bet Makkendrık el aýmaǵyndaǵy ınnovasııalyq farmasevtıka­lyq ónimdi kelisimshart negizinde óndirý jónindegi «AstraZeneka» jobasy elimiz ben Ulybrıtanııa arasyndaǵy ınvestısııalyq qaty­nastardy aıqyn sýretteıtinin atap ótti. Ulybrıtanııa – eldegi eń iri ınvestorlardyń biri. Osy yntymaqtastyqty iske asyrý sheń­­­be­rinde 2022 jyly 7 aqpanda Lon­donda Densaýlyq saqtaý mınıstrligi men «AstraZeneka» arasynda ózara túsinistik týraly memorandýmǵa qol qoıylǵan. Al bıyl Ulybrıtanııa premer-mınıstri Devıd Kemeron Qazaq­stan Premer-mınıstri Oljas Bektenovpen birge Úki­met janyn­daǵy ınvestısııalyq shtab­­­tyń baqy­­laýyndaǵy ınves­tı­sııa­­lyq­­ jobaǵa qol qoıý rásimine qa­tysty. Elde farmasevtıkalyq ónim­derdi kelisimshart negizinde óndirý jónindegi ınvestısııalyq joba 2020 jyldyń qazan aıynda bas­taldy. Sol kezde Úkimet far­masevtıka men medısına óner­­­­kásibin damytýdyń 2020–2025 jyl­darǵa arnalǵan keshendi jos­paryn bekitken edi.

Konferensııada «Kazakh Invest» aksıonerlik qoǵamynyń jobalar jónindegi jetekshisi Dınara Isabekova eldiń farmasevtıka salasyn damytýdaǵy strategııa­syn, ınvestorlardy qoldaý baǵy­tyndaǵy jumystyń retin baıan­dady.

«Álemde farmasevtıka na­ry­­ǵynyń ósýine baılanysty elimiz alpaýyt farmasevtıkalyq kompanııalardyń senimdi seriktesi bolýǵa umtylady. Bul rette Syrtqy ister mınıstrliginiń iri jobalardy úılestirýge yqpaldasyp kele jatqanyn atap ótkimiz keledi. Biz alpaýyt farmasevtıka kompanııalarynan jańa naryqqa kelip, nólden bas­tap tolyq sıkldi úlken zaýyt salýdy talap etsek, olar qyzyǵa qoımaıtynyn bi­le­miz. Halyqaralyq tájirıbege súıensek, mundaı kompanııalar jańa naryqqa kelisimshart negizinde óndiristi damytý jobalarymen kiredi. Bul – sheteldik kompanııalarmen uzaqmerzimdi shart jasaýǵa kepil bolady. Ári kompanııanyń birte-birte keńeıýine, óndiristik qýatyn art­tyrýǵa jol ashady. Bul baǵytta elimizdiń uzaq jyl boıy iske asyryp kele jatqan joba­lary jemisin berip otyr. Iri far­­ma­­sevtıkalyq kompanııa­lar eli­mizdiń naryǵyna endi. Olar tek dári-dármekti tasymaldaýshy bolyp qana qoımaı, otandyq óndiristiń bolashaǵy retinde ornyn bekitip jatyr. Biz mundaı iri jobalardyń júzege asýyna barynsha yqpal etip, jobany úılestirý barysynda týyndaǵan máselelerdi retteýge kóńil bólemiz», dedi «Kazakh Invest» AQ jobalar jónindegi jetekshisi.

D.Isabekova «Pfizer», «Roche», «AstraZeneka» qataryna kire­tin álemdegi alyp úsh farma­sevtıkalyq kompanııa serik­testik jóninde kelisimge qol qoıǵanyn habarlady. Keleshekte elimizdiń Ortalyq Azııa­daǵy far­ma­sevtı­ka­lyq óndiris­tiń ortalyǵyna aına­lýǵa umty­la­tynyn aıtty.

«AstraZeneka» kompanııa­sy­nyń eldegi basshysy Marııa Shıpý­leva kelisimsharttyq óndi­risti damytýǵa elge 7 mıllıard­ teńgeden astam ınvestı­sııa salý kózdelgenin jetkizdi.

«Biz Qazaqstanda tórt pre­pa­rattyń óndirisin oqshaýlaýdy josparlap otyrmyz. Eń aldymen sozylmaly búırek aýrýyn, júrek jetkiliksizdigin, ekinshi tıpti qant dıabetin emdeýge arnalǵan dapag­lıflozın ınnovasııalyq preparatyn shyǵaramyz. Bul pre­parat «Nobel Almaty far­ma­sevtıkalyq fabrıkasynyń» bazasynda óndiriledi. Búginde osy alańda aýdıt júrgizildi. Qajetti jabdyqtar satyp alyndy. Jańa jumys oryndary ashyldy. 2025 jyly el naryǵyna túpnusqa preparattyń birinshi partııasyn jetkizý maqsatynda óndiristi ja­qyn arada iske qosýdy jos­parlap otyr­myz. Odan ári jos­parymyzda onkologııalyq aýrýlardy emdeýge arnalǵan úsh preparat óndirisin bastaý mindeti tur. Osylaısha, bizdiń kompanııa elimizde kelisimsharttyq óndiristi damytýǵa 7 mıllıard teńge­den astam ınvestısııa salady», dedi M.Shıpýleva.

Baspasóz máslıhatyna qaty­sý­shylar Dúnıejúzilik saý­­da uıymy men Zııatkerlik men­­shik quqyqtarynyń saýda aspek­ti­leri jónindegi kelisimdi qolda­ǵan barlyq elge «Zııatkerlik men­shik týraly» zańdy saqtaýdyń mańyz­dylyǵy týraly túsinikteme berdi. Sebebi dál osy zııatkerlik men­shik quqyǵy ınvestorlardy tartý­dyń negizgi sharttarynyń biri sanalady.