Foto: QR QMA
Sochıdegi (RF) Qarjylyq qaýipsizdik jónindegi halyqaralyq olımpıada alańynda EAT-qa múshe memleketterdiń qarjy ınstıtýttarynyń komplaens-mamandary arasynda aqshany jylystatýǵa jáne terrorızmdi qarjylandyrýǵa qarsy is-qımylǵa baǵyttalǵan úzdik qarjylyq saraptamaǵa arnalǵan konkýrs ótti.
Aýqymdy jarysqa Belarýs, Úndistan, Qazaqstan, Qyrǵyzstan, Reseı, Tájikstan, Túrikmenstan jáne О́zbekstan elderinen kelgen qarjy monıtorıngi sýbektileriniń ókilderi qatysty.
Baıqaý usynylǵan jobalardy ınteraktıvti talqylaý formatynda ótkizildi.
Aqshany jymqyrý jáne qarjylyq terrorızm aktilerinde «droptarǵa» qarsy is-qımyldyń kúrdeli tetikterin qoldana otyryp, úzdik qarjylyq saraptamaǵa arnalǵan jumystar jáne olarǵa qarsy kúreste qaterlerdi basqarý júıesin qoldanýdyń úzdik úlgisi qaraldy.
Droptar - zańsyz áreketterden qarajat jınaý úshin qylmystyq shemalarǵa qatysatyn adamdar.
Qazaqstannan «ATAIX Eurasia ltd.» krıptobırja – kompanııasynyń AML komplaensy Aıdyn Muqashevtyń jobasy usynyldy.
Jobada usynylǵan droptar men VPN-di qoldaný arqyly júzege asyrylatyn kúrdeli alaıaqtyq shemalardyń uıymdastyrýshylaryn anyqtaýǵa múmkindik beretin jańa tásilder sarapshylardyń qyzyǵýshylyǵyn oıatty.
Nátıjesinde bul jobany Eýrazııa keńistigine usynyp, otandyq tájirıbe týraly jarııalaý sheshimi qabyldandy.
Daýys berý qorytyndysy boıynsha otandyq júıe konkýrstyń jeńimpazy bolyp tanyldy.
Sarapshylar qarjylyq iz jasyrýǵa qarsy júıeniń AJ/TQQ salasyndaǵy jańa syn-tegeýrinder men qaýip-qaterlerge daıyndyǵyn joǵary baǵalady.
Eske sala keteıik, Qarjylyq qaýipsizdik boıynsha halyqaralyq Olımpıada bıylǵy jyldyń 30 qyrkúıegi men 4 qazany aralyǵynda Sochıde (RF) ótip jatyr.
Oǵan álemniń 36 elinen 600 úzdik oqýshy men stýdent qatysyp jatyr.
Otandyq komanda elimizdiń jetekshi joǵary oqý oryndarynda oqıtyn (QR BP janyndaǵy Quqyq qorǵaý organdary akademııasy, IIM B.Beısenov atyndaǵy Qaraǵandy akademııasy, Maqsut Narikbayev University, Turan Unversity, Jáńgir han atyndaǵy Batys Qazaqstan agrarlyq-tehnıkalyq ýnıversıteti) 10 stýdent pen magıstranttardan turady.
