Kýágerdiń fotolary
28 jastaǵy anasy polısııaǵa balanyń úı aýlasynan joǵalyp ketkeni týraly 3 qazanda keshki ýaqytta habarlaǵan. Petrovka aýylynyń 5 jasar turǵyny Buqar Jyraý aýdandyq Polısııa basqarmasynyń búkil ujymyn, TJD qyzmetkerlerin, aýyldastaryn aıaqtan tik turǵyzǵan. Balany tórt saǵat boıy 400-den asa adam ıtterimen izdegen.
Toptarǵa bólingen izdeýshilerdiń jumysy qarańǵy túsip ketkennen keıin qıyndaǵan, olar túrli nusqalardy pysyqtap, balany barlyq jerden izdegen. 4 saǵattan keıin joǵalǵan bala týǵan aýylynan 1 shaqyrym qashyqtyqta daladan tabylǵan.
«Izdeý jumystaryna barlyǵy 400-den asa adam qatysty. Balany Petrovka aýylynan bir shaqyrym jerde aýyl turǵyndary men polısııa qyzmetkerleri tapty. Buqar Jyraý aýdandyq polısııa basqarmasynyń basshylyǵy izdeýge qatysqan barlyq janashyr azamatqa jedel kómek pen qoldaý kórsetkeni úshin alǵys bildiredi», dep habarlady oblystyq PD baspasóz qyzmeti.
