Kórme • 04 Qazan, 2024

«Otyrar ǵasyrlar toǵysynda» atty kóshpeli kórme ashyldy

151 ret

kórsetildi

1 mın

oqý úshin

Soltústik Qazaqstan tarıhı-ólketaný mýzeıiniń 100 jyldyǵy jáne «Otyrar» memlekettik arheologııalyq mýzeı-qoryǵy» RMQK-niń 45 jyldyǵyna oraı Qyzyljar qalasynda «Otyrar ǵasyrlar toǵysynda» taqyrybynda kóshpeli kórme ashyldy, dep habarlaıdy Egemen.kz.

Abzal MAQASh

«Otyrar ǵasyrlar toǵysynda» atty kóshpeli kórme ashyldy

Foto: Mádenıet jáne aqparat mınıstrligi

«Otyrar ǵasyrlar toǵysynda» kórmesi kórermenderge ǵasyrlar boıy Uly Jibek jolyndaǵy mańyzdy saýda jáne mádenı ortalyq bolǵan Otyrar ólkesiniń baı tarıhy men mádenıeti týraly kóbirek bilýge biregeı múmkindik beredi. Kórmede Otyrar alqabyndaǵy halyqtyń baıyrǵy turmys-tirshiligi, salt-dástúri men nanym-senimimen syr shertetin arheologııalyq jádigerler qoıylǵan.

Kelýshiler tek eksponattarmen ǵana emes, óńirdiń tarıhyn jáne álemdik mádenıette alatyn aıryqsha ornyn, mańyzyn tereńirek túsinýge kómektesetin birshama qujattarmen, fotomaterıaldarmen jáne tarıhı-mádenı muralarmen, sáýlet, bilim, óner salasyndaǵy jetistikterimen, jalpy aıtqanda ortaǵasyrlyq qalanyń tarıhymen tanysty.

Kórme 4 qarashaǵa deıin ótedi.