foto ashyq derekkóz
Qaıǵyly oqıǵa Tımırıazev aýdanynda, Aqjan mektebinde bolǵan. Soltústik Qazaqstan oblysy densaýlyq saqtaý basqarmasynyń baspasóz hatshysy Gúlnár Saılaýdyń aıtýynsha oń jaq ıyǵynan pyshaq jaraqatyn alǵan bala aýdandyq aýrýhananyń hırýrgııa bólimine jatqyzylyp, ota jasalyp, jarasy tigilgen. Balanyń jaǵdaıy turaqty.
Oblystyq polısııa departamentiniń baspasóz qyzmetiniń málimdeýinshe pyshaq jaraqatyn salǵan bala qajetti tergeý áreketterin júrgizgennen keıin ata-anasynyń kepildigimen bosatylǵan.
«Atalǵan fakti boıynsha qylmystyq is qozǵaldy. Tergeý júrgizilýde. Quqyq buzýshynyń jas ereksheligin eskere otyryp, polısııa qyzmetkerleri tárbıelik mindetterin oryndamaǵany úshin onyń ata-anasyn jaýapkershilikke tartý jumystaryn júrgizdi. Jasóspirim profılaktıkalyq esepke alynady», delingen vedomostvo habarlamasynda.
