TARAZ. 27 sáýir. Memleket basshysynyń prezıdenttik saılaýdaǵy aıqyn jeńisi Taraz qalasynda da aıryqsha qýanyshpen atap ótildi. Bul týraly egemen.kz tilshisi habarlady.
Taraz qalasynyń «Dostyq» alańynda ótken jeńimpazdar forýmynda Áýlıeata halqy óziniń Prezıdentine degen qoldaýy men senimin bildirdi. «Bir jaǵadan bas, bir jeńnen qol shyǵaryp», birligimiz ben yntymaǵymyzdyń jarastyǵyn kórsetti.
«Memleket basshysy Táýelsizdiktiń 24 jylynda elimizdi zor jetistikke jetkizdi. Jańa ekonomıka. Birtutas qoǵam. Qýatty memleket. Mine, bular – bizdiń osy jyldardaǵy tolaıym tabystarymyz. Endi aldymyzda Elbasymen birge – jańa jetistikter tur! Uly maqsattar, uly bastamalardyń arqasynda erteńgi kúnimizge senimdi qadamdar jasaımyz! Tarıh tańdaýyn shynaıy isterimizben aqtaımyz», – dedi jıynda sóz alǵan Jambyl oblysynyń ákimi Kárim Kókirekbaev.
Rasymen bul jeńis – kóp ultty halqymyzdyń Elbasyna degen ystyq yqylasy, sheksiz qurmetiniń kórinisi. Alańǵa jınalǵan jastar bul kúni án salyp, bı bılep, Prezıdenttiń eren jeńisi – Qazaqstannyń kezekti bıik belesi ekenin maqtanyshben jetkize bildi.
Oralhan Dáýit.
Derek: egemen.kz.
Sýret: Altynbek Qartabaı.
