Foto: QR Ulttyq ulany «Batys» óńirlik qolbasshylyǵynyń baspasóz qyzmetinen
Ulan sarbazdary ertemen jaýyngerlik qyzmetke attanatyn bolǵandyqtan, №479 daýys berý ýchaskesi tańǵy saǵat 06:00-de ashyldy. Daýys berý ornyna alǵashqylardyń biri bolyp Qazaqstan Respýblıkasy Ulttyq ulany «Batys» óńirlik qolbasshy general-maıor Bekaıdar Qazkeev jáne 5517 áskerı bólim komandıri podpolkovnık О́mirjan Sahatov kelip daýys berdi.
«Áskerı bólim aýmaǵynda ornalasqan №479 daýys berý ýchaskesi tańǵy saǵat 06:00-da óz jumysyn bastap ketti. Mundaǵy daýys berý tártibi barlyq talapqa saı ótip jatyr. Qazaqstan Respýblıkasynyń azamaty retinde memlekettik mańyzdy máselege qatysty men de óz daýsymdy berip, elimizdiń bolashaǵy úshin tańdaý jasadym», dedi podpolkovnık О́mirjan Sahatov.
Qazirgi tańda Qazaqstan Respýblıkasy Ulttyq ulanynyń «Batys» óńirlik qolbasshylyǵy boıynsha 4 daýys berý ýchaskesi tańǵy saǵat 06.00-den bastap jumys istep tur. Ol ýchaskelerde merzimdik áskerı qyzmetshilermen qatar ofıserler men serjanttar da daýys bere alady.
