Sarapshylar paıymdaǵandaı, referendým - elimizdegi úlken saıası oqıǵanyń biri. Sondyqtan árbir adam oǵan qatysyp óziniń qoǵamdaǵy kózqarasy men azamattyq ustanymyn bildirýi shart. Qazaqstan óziniń konstıtýsııalyq qurylymy boıynsha quqyqtyq el. Sol sebepti barlyq máselede elde zań, tártip sheńberinde sheshilýi qajet. Onyń ústine búgingi tańda Qazaqstanda «halyq únine qulaq asatyn memleket» tujyrymdamasy iske asyrylyp keledi. Onyń basty maqsaty qandaı da bir mańyzdy másele qabyldanar aldynda halyqpen sanasý, olardyń pikirine qulaq asý. Myna ótip jatqan jalpyhalyqtyq referendým osy aýqymdy demokratııalyq qaǵıdattardyń bir kórinisi.
Referendým - elimizde iske asyrylyp jatqan úlken saıası is-shara. Oǵan árbir adam qatysý mindetti. Al adamdardyń kóńil kúıin kóterý maqsatynda komıssııa tarapynan arnaıy merekelik is-sharalar uıymdastyryldy. Bul eń birinshi kezekte daýys berý alańynda kelýshi azamattardy merekelik kóńil kúıge bóleý úshin qajet. Osynyń aıasynda kelýshilerdiń belsendiligin arttyrý maqsatynda joǵaryda atalǵan «Túrkistan» saraıyndaǵy №231 ýchaskede alǵashqy úsh daýys berýshige káde retinde syılyqtar, ıaǵnı, kitaptar tabys etildi. Bul álbette daýys berýge kelgen qala turǵyndary úshin kútpegen jaǵdaı boldy. Olar osy syılyqty alǵandaryna erekshe qýanyp, referendýmǵa qatysýǵa barlyq jaqyndaryn úgitteıtinderin jetkizdi. Osyndaı yntalandyrý sharalary men erekshe tosyn syılar barlyq daýys berýshi ýchaskede qolǵa alyndy. Ol azamattardyń belsendilikterin arttyrý men mundaı el bolashaǵyna mańyzdy oqıǵada eshbir sanaly adam shet qalyp ketpeýin sezdirý úshin qajet.
Resmı málimet boıynsha Shymkentte referendým ótkizý úshin barlyǵy 344 ýchaske jumys istep tur. Tańǵy jetiden keshki segizge deıin daýys berýge quqyǵy bar 660 563 turǵynnyń árqaısysy osy daýys berý ýchaskelerine kelip, mańyzdy tańdaýǵa oraı óz sheshimderin qabyldaı alady. Ýchaskelerde tártipti qadaǵalap otyrǵan baqylaýshylardyń aıtýynsha, daýys berýge kelip jatqan adamdar legi tańnan beri úzilgen joq. Ár azamat bul kúni keshki segizge deıin qaı ýaqytta barsa da óz tańdaýyn jasap úlgeredi. Sonymen birge daýys berýshilerdiń referendýmǵa qatysýda eshqandaı kedergige tap bolmas úshin barlyq qajetti jaǵdaılar qarastyrylǵan.
ShYMKENT
