Kollajdy jasaǵan – Qonysbaı ShEJIMBAI, «EQ»
Ol alǵashynda matematıkadan sabaq beretin, keıin mekteptegi maman tapshylyǵyna baılanysty hımııa páni boıynsha qaıta daıarlaýdan ótti. Sóıtip, qazirgi kezde eki pándi qatar oqytyp júr.
Qoskól – oblys ortalyǵynan shalǵaıda ornalasqan aýyl. Qazir qaıta ınternettiń kómegimen alys ta jaqynǵa aınalyp qaldy. Áıtpese, buryn basqa áriptestermen tájirıbe almasýdyń ózi ájeptáýir kúshke túsetin. Oblys, aýdan ortalyqtaryna jetý qııamet bolatyn. Búgingi tańda aýyldyń irgesinen Jezqazǵan-Beıneý temirjoly ótip jatyr. Bir jaǵy bul da jaqsy boldy. Árıne, qandaı jaǵdaı bolsa da, muǵalimge júkteletin mindet eshqashan jeńildemeıdi. Shaızat Dúısenqyzy mekteptegi oqý isiniń meńgerýshisi retinde áriptesterine osyny únemi eskertip otyrady. О́ıtkeni búgingi shákirt – erteńgi maman. «Shybyqtyń túzý ósýi – baǵbanynan» desek, urpaqtyń zamanǵa saı qalyptasýy – ustazynan.
Shaızattyń oıynsha, ustaz da únemi izdenis ústinde bolýy kerek. Úzdiksiz izdenis, tynymsyz eńbek qana muǵalimniń mereıin kóteredi, abyroıǵa jetkizedi. Ol «ustaz degenimiz – oqýshydan eshqashan bilgenin irkip qalmaıtyn, qolynan kelgen kómegin aıamaıtyn adam» dep túsinedi. Soǵan ózi de laıyqty bolýǵa árqashan umtylady. Sol talpynysy tekke ketip te jatqan joq. Ol 2021 jyly «Halyq alǵysy», 2023 jyly «Eren eńbegi úshin» medalimen marapattaldy. Basqa da marapattary qanshama.
«Meniń muǵalim bolýǵa, sonyń ishinde matematıka, fızıka pánderine degen qyzyǵýshylyǵyma úlken tátemiz Aqshekenniń, aǵam Boranbaı men jeńeshem Roza Orynbetqyzynyń yqpaly zor boldy. О́ıtkeni olardyń bári de fızık-matematıkter-tuǵyn. Tipti men de olar oqyǵan ınstıtýtta oqydym. Aqsheken tátem – Qyzylorda oblysyndaǵy qurmetti pedagogterdiń biri, qazir zeınetker. Ol kisi Tasbóget kentindegi №172 orta mektebin 15 jyl boıy abyroımen basqardy. Sonyń aldynda tátemiz 13 jyl sol mektepte oqý isiniń meńgerýshisi bolǵan edi. Boranbaı aǵam mektepte 40 jyl ustaz boldy, qazir ómirden ótip ketti. Al Roza jeńeshemniń de ustazdyq ótili 40 jyldan asady», deıdi Sh.Dúısenqyzy.
Bul áýletti ustazdar áýleti dese ábden-aq jarasymdy. Qazirgi kezde Jezqazǵan qalasy bilim bóliminde ádisker bolyp qyzmet isteıtin Laýra Boranbaıqyzynyń mamandyǵy – basqa ult mektepterindegi qazaq tili men ádebıeti pániniń muǵalimi. «Bizdiń áýlet árqashan bilim salasymen tyǵyz baılanysty boldy. Ata-anam barlyq sanaly ǵumyryn óskeleń urpaqty oqytý men tárbıeleýge sarp etti. Olar oqýshylarǵa tek bilim berip qana qoımaı, ómirde qajetti qundylyqtardy sińirýge tyrysty. Biz kishkentaı kezimizden muny kórip óstik. Meniń bir ózgesheligim, áke-sheshem fızıka-matematıka pánderiniń mamany bolsa, men qazaq tili men ádebıeti pániniń muǵalimi bolýdy tańdadym», deıdi ol.
Bir ǵajaby, áýlettegi pedagogter qataryn shańyraqqa túsken kelinder de kóbeıtti. Kelinderdiń úlkeni Gúlbaný Aldashqyzy – qazir Sátbaev qalasynyń Á.Marǵulan atyndaǵy №15 orta mektebinde oqý isiniń meńgerýshisi, pedagog-zertteýshi. Basqa ult mektepterindegi qazaq tili men ádebıeti pániniń muǵalimi bolyp isteıtin Gúlbanýdyń eńbek ótiline bıyl 41 jyl toldy. Shırek ǵasyrdan asa ustazdyq tájirıbesi bar Shynar Turmaǵanbetqyzy da – osy áýlettiń kelini. Ol Sátbaev qalasy Y.Altynsarın atyndaǵy №19 orta mektepte qazaq tilinen sabaq beredi. Al «muǵalim kelinderdiń» kishisi Jazıra Qonaqbaıqyzy Qoskólde turady. Onyń Shaızat tátesimen birge aýyl mektebinde, matematıka pániniń muǵalimi bolyp kele jatqanyna on jyldan asyp barady.
El aýzynda jıi aıtylatyn «Ustaz degen – uly bolyp týǵandar, ulylyqty ulyqtaǵan ımamdar» deıtin sóz bar. Ásirelep aıtylǵandaı estilgenimen, bul sózdiń aqıqattan esh alshaqtyǵy joq dese de bolady. Uly bolyp týyp, ulylyqty ulyqtap júrgen pedagogterdiń uıasy ispetti Tileýovter áýletiniń jalpy eńbek ótiline bıyl 220 jyl toldy. Biraq bul olardyń ustazdyq jolynyń shegi emes ekeni anyq. О́ıtkeni ómir jalǵasyp jatyr.
Ulytaý oblysy
