ELBASY QYRǴYZSTANǴA EKONOMIKANY KО́TERÝDI TILEDI

Keshe Memleket basshysy Nursultan Nazarbaev “Habar” agenttigine suhbatynda Qyrǵyzstandaǵy ahýalǵa túsinikteme berdi, dep habarlady Qazaqstan Respýblıkasy Prezıdentiniń baspasóz qyzmeti. Suhbat barysynda Prezıdent Qa­zaqstannyń Qyrǵyzstandaǵy ahýal­dyń jedel turaqtanýyn jaq­taı­tynyn jáne kórshi memleketke qajetti kómek kórsetýge ázir ekenin atap ótti. Qazaqstan – Qyrǵyzstanǵa turaqtylyq tileıtin memleket. Men EQYU-ǵa tóraǵalyq etýshi mem­le­ket­tiń basshysy retinde gýmanı­tar­lyq jáne basqa kómek kórsetýdi top­tastyrý úshin bárin de isteýde­min. Qyrǵyzstanǵa UQShU arnasy boıynsha qazirdiń ózinde Reseı, Qazaqstan jáne О́zbekstan kómek kórsetýde. Men О́zbekstanǵa da qa­zir budan da kem emes qıyndyqtar túsip otyr dep sanaımyn. Son­dyq­tan da biz óz moınyna eń aýyr sal­maq­ty artqan Prezıdent Islam Ka­rımovke de, О́zbekstanǵa da rıza­shylyq bildirýge tıispiz. Bir kúnniń ishinde 100 myń derlik adam kelgen, al olardyń bárin ornalastyrý, toı­yndyrý, shólderin basý jáne qajet­ti em-dommen qamtamasyz etý qajet. Bul О́zbekstan úshin qandaılyq qıyn ekenin, oǵan qandaı prob­le­malardy sheshýge týra kelgenin kóz aldyma keltire alamyn. Biz kórshi­les memleketter – Qazaqstan, Re­seı jáne О́zbekstan birlesip kó­mek­tesip, qajetti máselelerdi sheshý­de­miz. Biraq ta men basqa másele týra­ly aıtqym keledi. Qyrǵyzstan – kedeı el, oıdaǵydaı memleket bola almaıdy deıtin pikir bar. Men olaı dep sanamaımyn. Qyrǵyzstannyń jer qoınaýy altynǵa, temirge, kú­miske, mysqa jáne basqa resýrs­tar­ǵa baı. Taý ózenderiniń áleýeti zor. Týrızm salasynyń múmkindikteri orasan. Munyń bárin kóterý kerek. Basqa memleketterdiń birde-bir gýmanıtarlyq kómegi eshqashan eldi kótergen emes. Birinshi másele, memleket ekonomıkasyn kóterip, adamdarǵa jumys berip, óz halqyn toıyndyra ala ma. Mine, sonda ǵana ol turaqty bolady. Sondyqtan da Qyrǵyzstannyń ekonomıkalyq órleý baǵdarlamasyn jasaý qajet jáne Qazaqstan ony jasaýǵa kómek kórsetýge ázir. Men Qyrǵyzstanda eko­nomıkany órletý jáne kóterýdiń strategııalyq saıasaty bolǵanyn óte tileımin.