foto primeminister.kz
Jobaǵa sáıkes, óńdeý qýaty táýligine 8-10 myń tonna bolatyn zaýytta jylyna 1 mln tonna qant qyzylshasyn óńdelip, 130 myń tonnaǵa jýyq qant óndirý múmkin bolady.
Sonymen qatar óńdeý qýatyn arttyrý úshin jumys istep turǵan qant zaýyttaryna jańǵyrtý júrgizilýde. Bul - Qazaqstandaǵy qant boıynsha ımportqa táýeldilikti kezeń-kezeńimen tómendetýge jáne qant qyzylshasynan tereńdete qaıta óńdelgen ónimderdi shyǵarýǵa jol ashady.
Qazirgi ýaqytta Qazaqstanda qant qyzylshasyn óńdeıtin 4 qant zaýyty jumys isteıdi. Olardyń jalpy táýliktik qýaty 8,7 myń tonna jáne 2,4 myń tonna.
2023 jyly respýblıkada qantty ishki tutyný kólemi 507 myń tonnany qurady. El qajettiliginiń negizgi kólemi EAEO elderinen daıyn qantty ımporttaý jáne qamys quraǵyn óńdeý esebinen qamtamasyz etiledi.
