Fotolar: Astana ákimdigi
Qalalyq ákimdiktiń resmı saıtynan habarlanǵandaı, oǵan Jastar saıasaty máseleleri jónindegi basqarmanyń, Bilim basqarmasynyń basshylary, Astana prokýrorynyń kámeletke tolmaǵandar jónindegi aǵa kómekshisi, PD jergilikti polısııa qyzmeti basqarmasy bastyǵynyń orynbasary, Bala quqyqtary jónindegi ýákil jáne basqa da mamandar qatysty.
Jyl basynan beri kámeletke tolmaǵandar tarapynan 186 quqyq buzýshylyq jasalǵanyn aıtqan ákimniń orynbasary qalada bilim berý mekemeleriniń basshylary tarapynan baqylaýdy kúsheıtý jáne bolashaqta buzýshylyqtardyń aldyn alý úshin qatań sharalar qabyldaý talap etiletinin atap ótti.
«Mundaı quqyq buzýshylyqtar úshin jaýapkershilik oqıǵalarǵa tikeleı qatysýshylarǵa ǵana emes, sonymen qatar stýdentterdiń, qyzmetkerlerdiń qaýipsizdigin qamtamasyz etýge jáne osyndaı jaǵdaılardyń týyndaýyn boldyrmaıtyn jaǵdaılar jasaýǵa mindetti oqý oryndarynyń basshylaryna da júkteledi. Bul mindetterdi oryndamaý qatań tártiptik sharalardy talap etetin óreskel buzýshylyq retinde qarastyrylady», dedi Eset Baıken.
Keńes barysynda ol elordalyq Bilim basqarmasy men bilim berý uıymdaryna, psıhologııalyq qoldaý ortalyǵyna jáne polısııa departamentine mektepte qaýipsiz jáne damyǵan ortany qurýǵa kómektesetin shara qoldaný boıynsha birqatar tapsyrma berdi.
