Kollajdy jasaǵan – Záýresh SMAǴUL ,«EQ»
Mine, osydan soń elimizde tutynýshylardy qaýipsiz taýarlarmen qamtamasyz etý maqsatynda Saýda jáne ıntegrasııa mınıstrliginiń bastaýymen «Sapaly ónim» qoǵamdyq qozǵalysy iske qosylǵan edi. Al qozǵalystyń maqsaty men mindetteri qandaı? Bul – árıne, atynan kórinip turǵandaı-aq, halyqqa sapaly ónim usynýdy qamtamasyz etý. Tutynýshylardyń quqyqtaryn qorǵaý jónindegi úkimettik emes sektordy, jergilikti atqarý, ókildi organdardyń, sondaı-aq kásipkerlik qoǵamdastyq ókilderin ishki naryqta otandyq óndirýshiler men tutynýshylardy qaýipti, sapasyz ónimderden qorǵaýdy qamtamasyz etý jónindegi jalpyulttyq múddelerdi iske asyrýǵa, sondaı-aq parasatty básekelestikti damytýǵa jaǵdaı jasaýǵa tartý – qoǵamdyq qozǵalystyń basty mindeti.
Qazirgi tańda «Sapaly ónim» qoǵamdyq qozǵalysyn iske asyrý barysynda el kóleminde, sonyń ishinde Ulytaý oblysynda júıeli jumys atqarylyp jatyr. «Tutynýshylardyń quqyqtaryn qorǵaý» qoǵamdyq birlestigi «Sapaly ónim» tujyrymdamasynyń aıasynda sapasyz, qaýipti tamaq ónimderin anyqtaý maqsatynda oblys aýmaǵynda turaqty túrde monıtorıng júrgizip otyrady. Sonyń nátıjesinde birshama kemshilik anyqtalyp, olardy túzetý sharalary iske asty.
– Ulytaý oblysynda Tutynýshylardyń quqyqtaryn qorǵaý, saýda qyzmetin retteý salasynda Saýda jáne ıntegrasııa mınıstrliginiń aýmaqtyq bólimshesi retinde Ulytaý oblysynda Saýda jáne tutynýshylardyń quqyqtaryn qorǵaý departamenti qyzmet atqarady. 2024 jyldyń 9 aıynyń qorytyndysyna qarasaq, tutynýshylardyń quqyqtarynyń buzylýyna qatysty oblys turǵyndarynan barlyǵy 361 ótinish kelip tústi. Bul bir jaǵynan tutynýshynyń tańdaý deńgeıiniń artýyn bildirse, ekinshi jaǵynan josyqsyz kásipkerlik qyzmettiń ósýin kórsetedi. Jedel jeli, telegram bot arqyly – 175, eOtinish portaly arqyly – 155, basshynyń azamattardy qabyldaýy arqyly 31 ótinish tústi. Sondaı-aq qazirgi ýaqytta shaǵymdy e-tutynyshy saıtynda tirkelý arqyly nemese e-otinish.kz aqparattyq júıesi arqyly berýge bolady. E-tutynyshy saıtynda kásipkerlik sýbektilerine qoljetimdilik beriledi, shaǵym men problemalyq máseleler sıpattalady, sodan soń tikeleı tutynýshyǵa jiberiledi, – deıdi Ulytaý oblysy boıynsha Saýda jáne tutynýshylardyń quqyqtaryn qorǵaý departamenti basshysynyń orynbasary J.Dáýletbaev.
Sonymen birge qazir e-otinish.kz, Smart QR júıelerimen ıntegrasııa júrgizildi. Platformanyń mobıldi nusqasy jasaldy. Jobanyń maqsaty – elektrondyq formatta ótinish berýdi ońaılatý, sondaı-aq tutynýshylardan bıznes ókilderine ótinishterdi qabyldaý, ártúrli kezeńde ótinishterdi sheshý, salalar men daý-damaı nysandary bólinisinde tutynýshylardyń shaǵymdaryn qadaǵalaý, taldamalyq derekterdi qalyptastyrý, azamattardyń tynys-tirshiliginiń barlyq salasynda memlekettik organdardyń problemalyq máselelerdi anyqtaýyna qolaıly júıe qurý.
Departament ishki saýda qyzmetin retteý salasyn, sonyń ishinde áleýmettik mańyzy bar azyq-túlik taýarlaryna saýda ústemesin qadaǵalap otyrady. Tekseris pen baqylaý oblys tóńireginde áleýmettik mańyzy bar azyq-túlik taýarlaryna baǵanyń turaqty ekenin kórsetedi. Buǵan departamenttiń de yqpaly joq emes. О́ıtkeni bul jaǵdaı departament tarapynan áleýmettik mańyzy bar azyq-túlik taýarlaryna baǵanyń ósýin tejeýdi baqylaý quraldaryn tıimdi iske asyrý esebinen qamtamasyz etildi.
Jyl basynan beri departament arqyly elektrondyq shot faktýralarǵa taldaý júrgizilip, Ulytaý oblysy ákiminiń ókimine sáıkes qurylǵan Ulytaý oblysynda azyq-túlik baǵalaryna baǵa belgileýdiń búkil tizbegi boıynsha deldaldyq shemalardy tekserý jónindegi komıssııa qatysýshylarynyń qajyrly eńbeginiń arqasynda áleýmettik mańyzy bar azyq-túlik taýaryna saýda ústemesiniń mólsherin negizsiz arttyrǵan 220 kásipker Ákimshilik quqyq buzýshylyq týraly» kodekstiń 204-4-babyna sáıkes ákimshilik jaýapkershilikke tartyldy.
Áleýmettik mańyzy bar azyq-túlik taýarlaryna zań buzýshylyqtardyń basym bóligi súzbe, kúnbaǵys maıy, jumyrtqa, taýyq eti, qant, makaron ónimderine anyqtalǵan.
Sonymen qatar jarııa shart jaǵdaıynda taýar ótkizý kezinde taýarlardyń baǵa japsyrmalaryn ornalastyrmaǵan 11 jeke kásipker «Ákimshilik quqyq buzýshylyq týraly» kodekstiń 193-baby 4-tarmaǵyna sáıkes jaýapkershilikke tartylyp, qysqartylǵan túrinde 95 992 teńge kóleminde aıyppul óndirilgen.
Qoǵamdyq birlestik tarapynan «Tutynýshylardyń quqyqtaryn qorǵaý týraly» zańnyń 41-babyna sáıkes dúkenderge monıtorıng júrgizilip, jaramdylyq merzimi ótken, qazaqsha tańbalaý joq, quramy tehnıkalyq reglamentterge saı kelmeıtin, ıaǵnı tıisti emes sapadaǵy taýarlar anyqtalyp, otandyq óndirýshilerdi qoldaý, tutynýshylardy qorǵaý maqsatynda jumys atqarylyp jatyr.
О́nimderge sáıkes buzýshylyqtar Ulttyq saraptama ortalyǵymen rastalǵan jaǵdaıda Ulytaý oblysy boıynsha Saýda jáne tutynýshylardyń quqyqtaryn qorǵaý departamenti tarapynan «Tutynýshylardyń quqyqtaryn qorǵaý týraly» zańnyń 6-2-babyna sáıkes saýda sýbektilerine buzýshylyqty joıý, zań buzýshylyq anyqtalǵan taýarlardy dúken sórelerinen, satylymnan alyp tastaý týraly nusqama tabystalyp, tutynýshylarǵa tıisti sapadaǵy taýarlardy usyný jóninde birqatar qyzmet iske asyrylady.
Atap aıtqanda, osy jyldyń 9 aıynda tehnıkalyq reglamentterge saı kelmeıtin 96 taýar anyqtaldy. Anyqtalǵan taýarlarǵa qatysty tutynýshylardyń aryzy Ulytaý oblystyq sanıtarlyq-epıdemıologııalyq baqylaý departamentine joldanyp, departament óz quzyrettiligi sheginde 91 ónimdi dúken sórelerinen aldyryp, kásipkerlerge «Ákimshilik quqyq buzýshylyq týraly» kodekstiń 425-baby 1-bóligine sáıkes 9 894 560 teńge kóleminde aıyppul saldy.
Anyqtalǵan ónimderdi aýmaqtyq sanıtarlyq-epıdemıologııalyq baqylaý organdary Tehnıkalyq retteý jáne metrologııa komıtetiniń Ulytaý oblysy boıynsha departamentine joldap, Tehnıkalyq retteý jáne metrologııa komıteti arqyly 3 taýardyń deklarasııasy ýaqytsha toqtatyldy. Sonymen qatar 24 ónimge qazirgi tańda tekserý jumysy júrgizilip jatyr. Sonyń ishinde 9 ónim sanıtarlyq epedemıologııalyq baqylaý komıteti bekitetin halyqtyń sanıtarlyq-epıdemıologııalyq salamattylyǵy salasyndaǵy normatıvtik quqyqtyq aktilerdiń talaptaryna sáıkes kelmeıtin ónimder tizilimine kirdi.
Bul jumys alda óz jalǵasyn taba beredi. Negizgi maqsat – ishki saýda salasynda tutynýshylardy qorǵaý, otandyq óndirýshilerdi qoldaý, jańa Qazaqstan qurý baǵytynda aıqyn bastamalarmen el senimin aqtaý.
Saýda jáne ıntegrasııa mınıstrligi «Sapaly ónim» jarııa tujyrymdamasyn iske asyrý maqsatynda qaýipti, sapasyz ónimdi anyqtaý jónindegi ahýaldyq shtab jumysynyń algorıtmin bekitti, bekitilgen algorıtmge sáıkes «Sapaly ónim» qoǵamdyq qozǵalysyn iske asyrý maqsatynda jumys júrgizilip edi.
Oblysta otandyq taýar óndirýshilerdi qoldaý, ishki naryqty qorǵaý, azyq-túlik qaýipsizdigin qamtamasyz etý maqsatyndaǵy jumystar odan ári jalǵasyn tabady.
Ulytaý oblysy
