Keńesip sheshken istiń berekesi bolady

Taraz qalasynyń turǵyndary referendýmǵa belsendi qatysty. Qara­paıym qazaq balasy retinde naý­qannan men de qalys qala almadym. О́ıtkeni el erteńi úshin jasalyp jatqan kez kelgen qadamǵa azamat retinde ún qatýymyz kerek. Tańdaý jasaý – boryshymyz.

Qalaı bolǵan kúnde de Prezı­dent eń ózekti máseleni halyqpen keńesip, jurttyń kóz­qarasyn bilip baryp sheshýge bel býǵany qýantady. Táýelsiz elimizdiń bolashaǵy talqyǵa túsip jatqan kezde elin syılaıtyn kez kelgen azamat syrtta otyryp ton pishpese kerek. Árbir adam óziniń konstıtýsııalyq quqyn paıdalanyp, daýys bergeni sózsiz. О́ıtkeni barlyq otandasymyzdyń tańdaýy memleket úshin mańyzdy.

Júregi elim dep soqqan aza­mattyń barlyǵy referendým ýchas­kesine bardy dep oılaı­myn. Men de meken­jaıym boıyn­sha qaladaǵy №41 mektepte or­nalasqan №82 referendým ýchas­kesine arnaıy baryp, óz tań­daýymdy jasadym. Táýelsiz elimiz­diń erteńi jarqyn, baıandy bolsyn.

Eldos SMETOV,

Parıj Olımpıadasynyń chempıony