Parlamenttik dıplomatııa ortaq isti úılestiredi

Senat spıkeri Tájikstan Prezıdenti Emomalı Rahmonǵa Qazaqstan Prezıdenti Qasym-Jomart Toqaevtyń jyly lebizin jetkizdi. Sondaı-aq ol eki eldiń arasyndaǵy dostyq qarym-qatynas pen Memleket basshylarynyń syndarly jáne senimdi dıalogi ózara tıimdi yntymaqtastyqtyń kepili ekenin atap ótti.

«Tájikstan Respýblıka­sy Konstıtýsııasynyń 30 jyldyǵy» atty halyqaralyq parlamenttik konferensııa­da sóz sóılegen Máýlen Áshim­baev Qazaqstan men Tájikstan arasynda qalyptasqan ózara túsinistik pen senimniń jo­ǵary deńgeıine jáne onyń mańyzyna erekshe toqtaldy.

«Joǵary deńgeıdegi turaq­ty kezdesýler, belsen­di saıa­sı dıalog, túrli sala­daǵy nátı­jeli yntymaq­tas­tyq qazaq-tájik qarym-qaty­nasynyń damý qarqynyn jáne zor áleýetin aıqyn kórsetedi. Bul rette saýda-ekonomıka­lyq baılanystardy, mádenıet pen bilim berýge qatysty joba­lardy, ekologııalyq jáne basqa sala­lardaǵy birlesken bas­tamalardy atap ótken jón. Qazaqstan men Tájikstan arasynda senimdi jáne jemis­ti qarym-qatynas ornady. Bıylǵy tamyzda Qazaqstan Prezıdenti Qasym-Jomart Toqaevtyń Tájikstanǵa sapary jáne sol kezde qol jetkizilgen ýaǵdalastyqtar osy aıtylǵandardy kezekti ret naqtylaı tústi. Atalǵan sapar kezinde elderimiz arasynda Odaqtastyq qatynastar tý­ra­ly tarıhı shartqa qol qo­ıyl­dy. Bul mańyzdy qu­jat jańa múmkindikterge jol ashady. Sondaı-aq el­deri­miz arasyndaǵy jan-jaq­ty ynt­y­maqtastyqty odan ári ke­ńeıtýdiń berik negi­zin qalaıdy», dedi Senat tóraǵasy.

Sonymen qatar Máýlen Áshimbaev atalǵan konferensııa konstıtýsııalyq qu­qyqty damytýdyń negizgi máse­lelerin talqylaýǵa jáne qazir­gi almaǵaıyp jaǵdaıda bı­liktiń zańnamalyq tar­maq­­­tarynyń tabysty tá­jirı­besimen bólisýge zor múm­­kin­dik beretinin tilge tıek etti.

«Parlamentterdiń qyz­meti quqyqtyq júıeniń turaq­ty­­lyǵy men boljamdy­ly­ǵyn qamtamasyz etýge, jańa syn-qa­terlerge ýaqtyly den qoıýǵa jáne týyndaıtyn pro­blemalardyń tıimdi sheshim­derin tabýǵa arnalǵan. Bizdiń elderimizdiń aldynda tur­ǵan mindetter men másele­lerdiń kóp jaǵdaıda uqsas ekenin eskersek, bılik­tiń zań shyǵarýshy tarmaq­tarynyń ózara is-qımyly asa mańyzdy ekenin ańǵara­myz. Parlamentaralyq ynty­maq­tastyq memleketterimiz ara­syndaǵy baılanystardy nyǵaıtýdyń, tájirıbe almasýdyń jáne ózekti máseleler boıynsha ortaq sheshimder ázirleýdiń negizgi tetikteriniń biri ekeni anyq. Qazirgi syn-qaterler bizden tıimdi dıalog pen qazirgi jáne bolashaqtaǵy jahan­dyq ózgeristerge sáıkes zań­namalyq tetikterdi birlesip ázirleýdi talap etedi. Bul rette ortaq kúsh-jigerimizdi úılestirýde parlamenttik dıplomatııa sheshýshi ról atqarady», dedi M.Áshimbaev.

Sapar kezinde birqatar eki­jaqty kezdesý ótti. Reseı Fede­rasııasy Federaldyq jına­lysy Federasııa keńesi­niń tóraǵasy Valentına Mat­vıenkomen kezdesýde zań shyǵarýshy organdar jelisi boıynsha ózara is-qımyl­dy nyǵaıtý baǵyttary talqy­landy. Taraptar eki palata arasyndaǵy yntymaq­tastyq jónindegi komıs­sııa jumysynyń qorytyn­dylaryna da nazar aýdardy. Sondaı-aq 2025-2026 jyldarǵa arnalǵan Parlamentaralyq yntymaqtastyqty damytý jónindegi jańa Jol kartasyna qol qoıý máselesin qarady. Bul qujatta Qazaqstan men Reseı prezıdentteri belgilep bergen yntymaqtastyqtyń basym baǵyttary kórsetiledi.

Sondaı-aq Qazaqstan dele­gasııasy Tájikstan Madj­lısı Olı Madjlısı mıllı tóraǵa­sy Rýstamı Emomalımen kez­des­ti. Onda parlament­ara­lyq yntymaqtastyq­tyń naq­ty baǵyttary keńi­nen talqy­lan­dy. Atap aıtqanda, par­la­mentaralyq baılanystar­dy nyǵaıtýdyń negizin qalap, yntymaqtastyqty odan ári damytýdyń basym baǵyt­taryn aıqyndap bergen Túrkistan deklarasııasyn iske asyrý aıasyndaǵy bir­les­ken jumys týraly sóz boldy. Suhbattasýshylar birles­ken kúsh-jigerdi óńirdi ekono­mıkalyq turǵyda damytýǵa, Ornyqty damý maqsattaryn iske asyrýǵa, adam kapıtalyn nyǵaıtýǵa jáne qazirgi syn-qaterlerdi eńserýge jumyldyrý qajet ekenine basa mán berdi.

Ázerbaıjan Mıllı Máji­lisi­niń spıkeri Sagıba Gafarovamen kezdesýde Máýlen Áshimbaev áriptesin jańa merzimge qaıta saılanýymen quttyqtap, eki el arasyndaǵy yntymaqtastyq halyqtardyń ortaq tarıhı qundylyqtaryna jáne ózara qurmet pen túsinistik­ke taban tireıtinin atap ótti. Buǵan qosa Senat tóraǵa­sy Ázerbaıjan tarapyna Álemdik jáne dástúrli dinder lıderleri sezine turaqty qoldaý kórsetip kele jatqany úshin alǵys aıtyp, atalǵan eldiń ókilderi 2025 jyly ótetin sezge qatysatynyna senim bildirdi.

Máýlen Áshimbaev konfe­ren­sııa alańynda basqa da Parlament delegasııa­lary­nyń basshylarymen birqatar kezdesý ótkizdi.