Qaıtarylǵan aktıv áleýmettik jobalarǵa jumsalady

Osy zań aıasynda Bas prokýratý­ra­nyń janynan aktıvterdi qaıtarý­men ­aınalysatyn jeke vedomstvonyń ­qyz­meti jolǵa qoıyldy. Sondaı-aq tús­ken qarajatty jınaqtaýǵa Arnaý­ly memlekettik qor men «Qaıtaryl­ǵan aktıvterdi basqarý kompanııasy» ­JShS quryldy. Bul kompanııanyń negiz­gi mindeti – memleketke qaıtaryl­ǵan aktıv­terdi tıimdi basqaryp, saqtaý ári satý­dy qamtamasyz etý. Osylaısha, tús­ken qarajat elimizdegi áleýmettik joba­lardy qoldaý úshin Arnaýly memle­kettik qorǵa jiberiledi. Kompanııanyń memlekettik úlesine Qarjy mınıstr­liginiń Memlekettik múlik jáne jeke­shelendirý komıteti ıelik etedi. Osy arqyly uıym qyzmetiniń qoǵamǵa ashyq­tyǵy rettelgen.

Qaıtarylǵan aktıvterdi basqarý kom­panııasynyń baspasóz qyzmeti usynǵan aqparatqa súıensek, 14 qazandaǵy jaǵ­daı boıynsha kompanııanyń balansynda zergerlik buıymdar, jyljymaıtyn múlik, jer ýchaskeleri jáne óndiristik bazalardy qosa alǵanda 254 aktıv bar. Uıym aktıvterdiń sıpattamalaryna baı­lanysty basqarýdyń túrli ádis­terin qoldanyp keledi. Mysaly, elektrondy aýksıondar ótkizý, talap etý quqyqtaryn berý, qor bırjasynda aktıvterdi satý jáne basqa da zańdy tásilder qarastyrylǵan. Aktıvterdi satý E-Qazyna portaly arqyly júzege asyrylady.

Búginde kompanııa 6,3 mlrd teńge­­­den asatyn aktıvterdi satqan. Onyń ishin­degi 4,4 mlrd – sheteldik aktıvterden
tús­ken qarajat. Barlyq qarajat Ar­naýly mem­lekettik qorǵa jiberiledi. Al ol qor­­dan Ulttyq ekonomıka mı­nıstr­ligi­niń erejelerine sáıkes irik­tel­gen mańyzdy áleýmettik jobalar qarjy­landyrylady.

9-11 qazan kúnderi ótken saýda-sat­tyq aýksıony tirkelýshiler bolmaýyna baılanysty ótpedi dep tanyldy. Osy oraıda aýksıonǵa qoıylǵan aktıvterge toqtalyp ótkenimiz jón.

9 qazanda aýksıonda eki JShS-ge qatysý úlesi usynyldy. Atap aıtqanda, jeke qazandyqtary bar, jylý energııa­syn óndirý qyzmeti jolǵa qoıylǵan «Tulpar» JShS, sondaı-aq sýdy jınaý, óńdeý ári taratý qyzmet túrimen aınalysatyn «Zharkent SU» JShS. Bul aktıvter – kommýnaldy sala men energetıkalyq sektorda jumys istep turǵan kásiporyndarǵa ınvestısııa salǵysy keletin ınvestorlar úshin tartymdy baǵyt.

Al 11 qazanda saýdaǵa jalpy quny 414 271 364 teńge bolatyn monetalar, sa­ǵattar men zergerlik buıymdardy qosa alǵanda, kolleksııalyq zattar qoıyldy. Jalpy quny 1 564 810 teńge bo­latyn kolleksııalyq monetalar (5 lot) boldy. Ár monetanyń quny – 150-den ­690 myń teńgeniń aralyǵynda. Buǵan qosa quny 314 742 586 teńgeni qamtıtyn áı­gili brend saǵattary (8 lot) satylymǵa shyq­ty. Onyń ishinde qoldan jasalǵan Ulysse Nardin Slassic 789-80 jáne 18K altyn elementteri bar shekteýli saǵattar serııasy 214,4 mln teńgege baǵalanyp otyr. Sondaı-aq Franck Muller Genève asyl tastarmen bezendirilgen qyzǵylt altyn korpýs quny – 29,2 mln teńge, Ulysse Nardin Archive Freak Cruiser aq altynnan jasalǵan korpýs – 29 mln teńge, Breguet 882u №3271 korpýsy zaqymdanǵan altynnan jasalǵan saǵaty – 10 379 740 teńge.

Jalpy quny 97 963 968 teńge bolatyn zergerlik buıymdar (5 lot) bar. Eń qymbat lot – syrǵa, alqa, shynjyr jáne saqınadan turatyn gaýhar jıyntyǵy ­85 mln teńgege baǵalanǵan.

Osy jolǵy aýksıonda qyzyǵýshy­lyq ta­nytqan satyp alýshylar bolmady. De­genmen kompanııa satyp alýshylardy izdeý jumystaryn jalǵastyryp, bul aktıvterge satyp alýshy tabylǵanǵa deıin aýksıondardy ótkize beredi.

Sondaı-aq bıyl 7 qazanda saýdaǵa Almaty qalasyndaǵy jer ýchaskesi bar aıaq­talmaǵan qurylys qoıyldy. Bas­tapqy baǵasy – 6 278 384 321 teńge (QQS eseptemegende). Bul aýksıondy ótkizý 24 qazanǵa belgilenip otyr.

Atalǵan aýksıondar nátıjesinde tú­setin qarajat tek memlekettik bıýd­jet­­ke ǵana baǵyttalmaıdy. О́telgen qar­­jy densaýlyq saqtaý, bilim berý jáne kó­mekke muqtaj jandardy qol­daý maq­satynda áleýmettik mańyzy bar joba­larǵa jumsalady. Bul aktıv­terdi satyp alý arqyly aýksıon qatysý­shy­lary ma­ńyzdy bastamalardy qoldap, qoǵamnyń damýyna óz úlesin qosa alady.

Saýdaǵa qatysý úshin E-Qazyna portalynda tirkeýden ótý qajet. Jeke tulǵa­lar JSN men derbes derekterdi, al zańdy tulǵalar BSN men birinshi bas­shyǵa qatysty málimetti kórsetýge tıis. О́tinim elektrondy sıfrly qoltańbany (ESQ) paıdalaný arqyly jiberiledi jáne kepildik jarnanyń tólenýimen rastalady.

Sondyqtan atalǵan aýksıondy qun­dy aktıvterdi satyp alý ǵana emes, eli­mizdiń keleshegine úles qosý múmkindigi dep bilýge de bolady. Basqarýshy kom­panııa qarjylyq kórsetkishterdi ba­rynsha arttyrýdy ǵana emes, sonymen qatar barlyq rásimde ashyqtyq pen zań­dylyqty qamtamasyz etýdi kóz­dep otyr. Jumystyń tıimdiligi bir­neshe negizgi kórsetkish boıynsha baǵa­lanady. Onyń ishine Arnaýly mem­le­kettik qorǵa aýdarylǵan qarajat kó­lemi, aktıvter­di iske asyrýdyń tabysy, sondaı-aq basqa­rý úderisteri­niń ár­bir kezeńin­degi ashyq­tyq pen qaýip­­sizdik deń­geıi kiredi. Taıaý jyldary kom­panııa mem­lekettik aktıvterdi bas­­qarý sala­syn­da óz qyzmetin odan ári je­til­dire túsýdi maqsat etip otyr. Bul baǵyt­t­a­ǵy mańyzdy qadamdar­dyń biri – qury­­lymdy jańǵyrtý, www.kuva.kz veb-saı­tyn jańartyp, damytý. Bul aza­­mattar men bıznestiń se­ni­min art­­tyryp, aýksıondarǵa qatysý úde­­risin jeńildetýge jol ashady.