Foto: olympic.kz
Jeltoqsan aıynda Astanada Qazaqstan birrinshiligi ótedi. El ishilik chempıonattan keıin bokstan erler quramasy tolyǵýy múmkin.
«Ádette bizdiń qurama Qazaqstan chempıonatynan keıin jasaqtalady. Jeltoqsanda Astanada ishki týrnır ótedi. Komanda jasaqtaýdy sol kezde qarastyramyz. El birinshiligine barlyq boksshy qatysa alady. Jastar komandasynyń ókilderine de qatysýǵa ruqsat berdik. Jastar sapynan 7-8 adam negizgi quramǵa kire alady dep oılaımyn. Sonymen birge el chempıonatynan Azııa chempıonatynyń jeńimpazdary men júldegerlerin bosatamyz. Azııa birinshiligi 30 qarashada Iordanııada ótedi. Qalǵan boksshylardyń barlyǵy Qazaqstan chempıonatyna qatysady», dedi Qaırat Sátjanov.
Sondaı-aq bas bapker Shymkentte ótken halyqaralyq týrnırde boksshylar nege óz salmaǵynda judyryqtaspaǵanyn túsindirdi.
«Aıtpaqshy, biz Shymkentte keı qatysýshylarǵa qazirgi salmaqta sharshy alańǵa shyqpaýǵa ruqsat berdik. Muhamedsabyrdy alaıyq, ol Olımpıada aldynda óte kóp jarys ótkizdi. Italııa men Taılandta jarysqa tústi. Sonymen birge el ishindegi saıysqa da qatysty, onda álemdik jarystyń qatysýshysy anyqtaldy. Artynsha Olımpıada kezinde rıngke shyqty. Ár jekpe-jek – aǵza úshin úlken salmaq. Aǵza óte kóp dárýmender men paıdaly zattardan aırylady. Sondyqtan salmaq qýýdyń adam aǵzasyna keri áseri zor. Sol sebepti, biz keı boksshylarǵa ádettegi salmaǵynan joǵary salmaqta sharshy alańǵa shyǵýyna ruqsat berdik. Aldaǵy jarystar aldynda deńgeıdiń túsip ketkenin qalamadyq», dedi bas bapker.
