foto Ǵylym jáne joǵary bilim mınıstrligi
О́nimniń synaq partııasy óndiristik tájirıbege sáıkes salynǵan shaǵyn zaýytta shyǵaryldy.
Jańa taǵamdyq ónim jasýshalardy zaqymdanýdan qorǵaı otyryp, totyǵý stressimen kúresýge kómektesedi. Ol sondaı-aq jasqa baılanysty aýrýlardyń damýyn báseńdetýge jáne qorshaǵan ortanyń jaǵymsyz áserlerimen kúresýge kómektesip adam aǵzasynyń fızıkalyq jáne psıhıkalyq ónimdiligin arttyrýǵa kómektesedi.
«Barlyq ónimder Qazaq taǵamtaný akademııasynda mindetti saraptamadan ótip, arnaıy dıetalyq ónim retinde tirkeldi. Joba boıynsha jumys ázirleý, testileý jáne sertıfıkattaý kezeńderin qosa alǵanda úsh jylǵa jýyq ýaqytty aldy», dedi joba jetekshisi, NU NLA aǵa ǵylymı qyzmetkeri Serǵazy Shyńǵys.
Al, birinshi ǵylymı zertteýler Nazarbayev University janyndaǵy National Laboratory Astana zerthanalarynda bastalǵan. Jańa ónim adamnyń qajettilikterine baılanysty «Hormesis Oxy» jalpy ataýymen úsh ónim serııasy boıynsha ázirlendi: kásibı sportshylarǵa, eresek jastaǵy adamdarǵa jáne sportpen turaqty emes aınalysatyndarǵa arnalǵan. Bolashaqta halyqaralyq naryqqa shyǵý arqyly óndiris pen ónim túrlerin keńeıtý josparda bar.
«О́nimderde polıfenoldardyń biregeı qospasy – negizinen ósimdik tektes bıologııalyq belsendi qosylystar, gel túzýshi agentter, sondaı-aq adaptagender men aktoprotektorlardyń shóp syǵyndylary bar. Biz táttilendirgishter men kalorııalyq toltyrǵyshtardy almastyratyn prebıotıkalyq jáne dıetalyq talshyq bolyp tabylatyn polıdekstrozany qoldanamyz, bul bizdiń ónimderdi qant dıabetimen aýyratyn adamdarǵa jaramdy etedi», dedi formýlany tapqan ǵalym.
Serǵazy Shyńǵys Nazarbayev University janyndaǵy National Laboratory Astana-da jańa dári-dármekti izdeý jáne zertteý úshin arnaıy qurylǵan zerthanada ol dárilik áserge tózimdi ınfeksııalardy emdeý úshin aǵzanyń jasýshalaryna antıbıotıkterdi jetkizýdiń maqsatty ádisin ázirleýge qatysady. Buǵan deıin damytýshy ǵalymnyń jetekshiligimen kóp jylǵy zertteýlerden keıin naryqqa Qaynar taǵamdyq qospasy túsken bolatyn. Ol júrek-tamyr aýrýlarynyń damýy men asqynýyn boldyrmaıtyn júzim polıfenoldarynyń konsentraty negizinde jasalǵan. Bul qosymsha tutynýshylar arasynda suranysqa ıe.
Jańa shóptik dári-dármektiń óndirisi aǵymdaǵy jyldyń jeltoqsan aıynda tolyq qýatqa shyǵady, ol jylyna 120 myń qaptamaǵa deıin shyǵarady dep kútilýde. Joba óz ınvestısııalarymen jáne QR Ǵylym qorynyń qoldaýymen júzege asyrylýda, ol qural-jabdyqtar men zertteýlerdi qarjylandyrdy.
