Foto: ile-tany.kz
Áleýmettik qoldaý paketi men qarjylyq yntalandyrý bıylǵy jyly 9 dárigerdi aýyldyq medısınalyq uıymdarǵa tartýǵa múmkindik berdi, taǵy 16 dáriger oblys ortalyǵynda jumys isteýge qaldy. Qazan aıyna deıin jumysqa qabyldanǵan taǵy 45 dárigerge osy jyl sońyna deıin kóterme aqy tóleý josparlanyp otyr.
Oblystyq densaýlyq saqtaý basqarmasynyń habarlaýynsha, byltyr óńirde medısına salasyndaǵy kadr tapshylyǵy 8%-ǵa tómendedi, al bıylǵy jyl bastalǵaly kadrlyq quram 76 dıplomdy mamanǵa tolyqqan.
Kelgen dárigerler 3 aılyq synaq merziminen sátti ótip, óńirde barlyǵy 5 jyl jumys isteýi tıis.
«Bilikti medısınalyq kadrlardy tartý úshin birjolǵy kóterme tólemderdi tóleý týraly sheshim qabyldandy, bul maqsattarǵa bıýdjetten 595 mln teńge bólindi», dedi oblystyq densaýlyq saqtaý basqarmasynyń basshysy Arman Janseńgirov.
Jyl saıyn oblysqa 80-ge jýyq jas maman keledi eken. Solardyń biri - 17 jyldyq eńbek ótili bar hırýrg Nurmuhamed Baıjanov 6 aı buryn Qabanbaı aýylyndaǵy Alakól aýdanynyń ortalyq aýrýhanasynyń bólimshesine jumysqa kelgen. Qoldaý retinde 10 mln teńge kóterme tólem alǵan. Jergilikti ákimdik onyń otbasy úshin turýǵa jaǵdaı jasaı aldy.
«Árıne, jumys isteý ońaı emes, kishigirim jaraqattardan basqa kúnine 2-3 kúrdeli ota jasaýǵa týra keledi. Biraq biz dárigerler bul joldy ózimiz tańdadyq. Bizdiń basty mindetimiz – adamdarǵa kómektesý. Esep birneshe mınýtqa sozylǵan kezde balalardyń aýyr jaraqattarymen baılanysty kúrdeli jaǵdaılar boldy. Baqytymyzǵa oraı, mende 4 sertıfıkat bar, jalpy eresekter, jalpy balalar hırýrgi, balalar travmatology, balalar ortopedi, balalar ýrology, sondyqtan biz ártúrli beıindegi otalardy jasaımyz», deıdi N.Baıjanov.
Alakól AOA dırektorynyń orynbasary Elmıra Serikovanyń aıtýynsha, Qabanbaı aýylyndaǵy aýdandyq AOA bólimshesine 5 jańa maman, onyń ishinde 2 hırýrg, 2 reanımatolog, 1 akýsher-gınekolog qabyldanǵan. Barlyq mamandar kóterme tólemderin alǵan.
Bıyl Memleket basshysy zań qabyldaǵanyn, oǵan sáıkes aýyldyq jerlerge jumysqa keletin asa tapshy mamandyqtar boıynsha medısına qyzmetkerleri 8,5 mln.teńge alatynyn esterińizge salaıyq.
