Foto: gov.kz
Ǵylym jáne joǵary bilim mınıstrliginiń baspasóz qyzmetiniń málim etýinshe atalǵan qujatqa Mıras ýnıversıtetiniń rektory Núrken Halyqbergen jáne Seýl Kıber ýnıversıtetiniń prezıdenti Endjý Lı qol qoıdy.
Kelisimniń maqsaty – bilim men ǵylym salasyndaǵy yntymaqtastyqty damytý jáne nyǵaıtý, sondaı-aq eki ýnıversıtet arasyndaǵy akademııalyq baılanystar men bilim almasýdy kúsheıtý. Taraptar birlesken bilim berý baǵdarlamalaryn júzege asyrý, stýdentter men oqytýshylardy almastyrý, sondaı-aq konferensııalar, semınarlar jáne sheberlik synyptary sııaqty birlesken ǵylymı zertteýler men akademııalyq is-sharalardy uıymdastyrý jóninde kelisimge keldi.
«Biz Seýl Kıber ýnıversıtetimen tabysty yntymaqtastyqty asyǵa kútemiz. Bul elderimiz arasyndaǵy dostyqtyń mańyzdy qadamy, jáne osy kelisim Ortalyq Azııadaǵy adamı kapıtaldyń sapasyn jaqsartýǵa úlken yqpal etedi dep senemiz. Ońtústik Koreıanyń joǵary bilim berý salasyndaǵy ozyq tehnologııalaryna qol jetkize otyryp, biz stýdentterimiz ben aımaq turǵyndaryna bilim alýdyń jańa múmkindikterin usynamyz, bul rette onlaın tehnologııalardy qoldaný arqyly onyń qunyn tómendetemiz», dep atap ótti Mıras ýnıversıtetiniń rektory Núrken Ǵalymuly.
Sonymen qatar ol Seýl Kıber ýnıversıtetiniń onlaın bilim berý salasynda úlken tájirıbesi bar ekenin, zamanaýı baǵdarlamalyq qamtamasyz etý jáne ozyq bilim berý tehnologııalary Qazaqstanda jańa bilim berý formattary men zertteý jobalarynyń damýyna yqpal etetinin atap ótti.
О́z kezeginde, Seýl Kıber ýnıversıtetiniń prezıdenti Endjý Lı bilim berý salasyndaǵy halyqaralyq yntymaqtastyqtyń mańyzdylyǵyn atap ótti.
«Bilim berý – ekonomıkalyq jáne áleýmettik progrestiń negizgi faktory. Mıras ýnıversıtetimen seriktestigimiz jańa bilim berý formattary men zertteý jobalarynyń damýyna yqpal etedi», dedi ol.
Qol qoıylǵan memorandým kúshine dereý enedi jáne taraptardyń ózara kelisimi boıynsha uzartylýy múmkin 5 jyl boıy áreket etedi.
