Foto: Mádenıet jáne aqparat mınıstrligi
Forým aıasynda Áskerı-tarıhı murajaıda QHA-nyń «Jomart jan» respýblıkalyq ortalyǵynyń Respýblıka kúnine arnalǵan otyrysy ótkizildi.
«Qaıyrymdylyq kerýeni» respýblıkalyq aksııasy 1 naýryzda Alǵys aıtý kúni aıasynda bastaldy. Qazaqstannyń barlyq óńirlerinen volonterler men qaıyrymdy jandar jınaldy.
Aksııa aıasynda erekshe nazar aýdarylǵan «Júrekten júrekke» jáne «Mektepke jol» sııaqty kóptegen ekologııalyq, volonterlik jáne qaıyrymdylyq is-sharalar ótkizildi.
Forýmda «Qaıyrymdylyq kerýeni» aksııasyna qatysýshylardy qaıyrymdylyqqa qosqan eleýli úlesi úshin «Jomart jan» QHA qurmet belgisimen marapattaý rásimi ótti. Mesenattar, volonterler jáne qoǵamdyq uıymdardyń ókilderi marapattarǵa ıe boldy.
Is-sharada erekshe qajettilikteri bar balalar óner kórsetip, kópshilik yqylasyna bólendi.
Atalǵan forým tájirıbe almasýdyń jáne qaıyrymdylyq kórsetýdiń eń ozyq úlgisin usynatyn alań ǵana emes, sonymen qatar birlik pen ózara kómek qoǵamdy biriktire alatyn qasterli qasıet ekeniniń jarqyn mysaly boldy.
