Saltanatty is-sharaǵa Qazaqstannyń О́zbekstandaǵy elshisi Beıbit Atamqulov, Abaı atyndaǵy Qazaq ulttyq pedagogıkalyq ýnıversıtetiniń rektory Bolat Tilep, Samarqand memlekettik ýnıversıtetiniń rektory Rýstam Halmýradov Qazaqstan Ǵylym jáne joǵary bilim mınıstrliginiń, О́zbekstan Joǵary bilim, ǵylym jáne ınnovasııalar mınıstrliginiń ókilderi qatysty.
Ortalyqtyń ashylý saltanatynda Abaı atyndaǵy Qazaq ulttyq pedagogıkalyq ýnıversıtetiniń rektory Bolat Tilep sóz sóılep, ǵylymı-mádenı ortalyq, qazaq tili men ádebıeti bóliminiń ashylýy – eki el arasyndaǵy yntymaqtastyqty nyǵaıtý, bilim men mádenıet salasyndaǵy baılanystardy damytý jolyndaǵy mańyzdy qadam ekenin jetkizdi.
«Bul – shetelde Abaı ýnıversıteti tarapynan ashylǵan jetinshi ortalyq. Samarqand tórinde boı kótergen ortalyq tek bilim men tájirıbe almasý alańyna aınalyp qana qoımaı, túrkitildes halyqtar arasyndaǵy dostyq pen ózara túsinistik qarym-qatynasty damytýǵa qyzmet etedi», dedi ol.
Is-shara aıasynda Abaı ýnıversıteti ókilderi Samarqand memlekettik ýnıversıtetiniń rektory Rýstam Halmýradovpen, fılologııa fakýltetiniń professor-oqytýshylar quramymen kezdesip, bilim, ǵylym salasyndaǵy baılanys týraly pikirlesti.
Bıyl Abaı atyndaǵy QazUPÝ-da Álisher Naýaı atyndaǵy til jáne ádebıet ortalyǵy ashylyp, túrkitildes halyqtarǵa ortaq tulǵanyń shyǵarmashylyǵyn zertteý jáne nasıhattaý is-sharalary bastaý aldy. Qazirgi tańda Abaı ýnıversıtetinde О́zbekstannan kelgen 148 stýdent bilim alady.
