Foto: elitarkz
«Ipotekalyq turǵyn úı nesıesi boıynsha bastapqy jarnanyń bir bóligin jabý úshin turǵyn úı sertıfıkaty baspanaǵa muqtaj jáne tabysy jetkiliksiz otbasylarǵa beriledi», dep habarlady eGov.kz.
Bul sertıfıkat Ulttyq bank bekitken ıpotekalyq baǵdarlama nemese memlekettik turǵyn úı qurylysy baǵdarlamasy boıynsha turǵyn úı satyp alynǵan jaǵdaıda beriledi. Bul rette turǵyn úı sertıfıkattaryn alýshylardyń mólsheri men sanattarynyń tizbesin jergilikti atqarýshy organdar aıqyndaıdy.
«Turǵyn úı anyqtamasy áleýmettik kómek retinde mynadaı jaǵdaılarda beriledi: ótinish berýshiniń jáne onymen turaqty turatyn otbasy músheleriniń (zaıybynyń jáne kámeletke tolmaǵan balalarynyń) sońǵy 6 aıdaǵy ortasha tabysy eńbek jáne/nemese belgilengen shekten aspaıtyn bolsa, 23 jasqa deıingi bilim berý mekemelerinde kúndizgi oqý nysany boıynsha oqıtyn balalary kiredi», delingen habarlamada.
Turǵyn úı sertıfıkatyn alý úshin:
- eGov.kz portalyna kirip, «Jyljymaıtyn múlik – turǵyn úı qatynastary» bólimine ótińiz;
- Tizimnen «Turǵyn úı sertıfıkattaryn berý» tarmaǵyn tańdap, qajetti joldardy toltyryńyz.
- О́tinimge sıfrlyq qoltańba arqyly qol qoıyńyz.
