22 Maýsym, 2010

JASTAR – PREZIDENTTIK KOMANDA MÚShELERI

581 ret
kórsetildi
2 mın
oqý úshin
Nursultan NAZARBAEV: Jastar – bizdiń bolashaǵymyzdyń negizi – óz bolashaǵyn qurýdyń jańa múmkindikterine qol jetkizedi. Keshe Memleket basshysy Nursultan Nazarbaev qazaqstandyq jastardyń ókilderimen kezdesti, dep habarlady Qazaqstan Respýblıkasy Prezıdentiniń baspasóz qyzmeti. Prezıdentpen kezdesýge oqýda, sportta jáne óz jumystarynda aıtarlyqtaı jetistikterge qol jetkizgen elordalyq jastardyń daryndy ókilderi: Beket Tólegenov – Qazaqstan Respýblıkasy Tuń­ǵysh Prezıdentiniń Intellek­týaldyq mektebiniń túlegi; Olga Rypakova – jeńil atletıkadan eki márte Azııa jáne álem chempıony; Erlan Jaqypbekov – sáýletshi, “Qazaq eli” monýmenti, “Abaı”, “Sýly jasyl býlvar” joba­la­ryna qatysýshy ári avtory; Qanat Tósekbaev – Astana qalasynyń jedel medısınalyq kómek stan­sasynyń bas dárigeri; Aıdar Qyryqbaıuly – halyq shyǵarma­shylyǵyn nasıhattaýshy, “Jas Otan” jastar qanatynyń keńes­shisi jáne ózgeler shaqyryldy. Jas astanalyqtar ózderiniń jeke tabystary týraly aıtty. Olar bar­lyq jetistikteri árbir qazaqstandyq­tyń óz josparlaryn iske asyrýlary­na baǵyttalǵan mem­lekettik saıasattyń nátıje­sinde múmkin bolǵanyn atap ótti. Jas­tar Memleket basshysyn biz­diń Otanymyz – Qazaqstan Res­pýblıkasynyń odan ári gúldenýi úshin barlyq múmkindikterin aıa­nyp qalmaıtyndyqtaryna sendirdi. Kezdesý barysynda Prezıdent táýelsiz Qazaqstannyń qalyptasý kezeńderi, naryqtyq ekonomıkany qurý, demokratııalandyrý úderisi, azamattyq qoǵamnyń qalyptasýy men damýy týraly, sondaı-aq elor­dany aýystyrý qalaı júzege asyrylǵany jaıly aıtty. Nursultan Nazarbaev osynyń barlyǵyna da qazaqstandyqtardyń elimizde beıbitshilik pen kelisimdi saqtaýynyń arqasynda qol jetkenin atap ótti. – Dostyq pen turaqtylyq – bul sizder nyǵaıtýǵa tıisti altyn baılyǵymyz, – dep atap kórsetti Nursultan Nazarbaev. Memleket basshysy sondaı-aq ózderin prezıdenttik komandanyń músheleri sanaıtyn jastarǵa alǵysyn bildirdi. – Bul – Prezıdent úshin eń úl­ken baqyt. Men sizderge bizdiń Ota­ny­myz – Qazaqstan Respýblıka­sy­nyń ıgiligi úshin tabystar tileımin, – dedi Elbasy kezdesýdi aıaqtaı otyryp. Sýretterdi túsirgender S.BONDARENKO, B.OTARBAEV.