Úkimet
Negizgi mindet – memlekettik satyp alýlar men memlekettik qoldaý sharalaryna basym qoljetimdiligi bar kásipkerlik sýbektilerin sanattarǵa bólý ádisnamasyn sıfrlandyrý. Bul rette memlekettik qoldaý alatyn kásipkerlik sýbektileriniń ózara mindettemeleri qajet. О́nim sapasy, elimizdegi óndiristi lokalızasııalaýǵa jáne qazaqstandyq qamtý úlesi, sondaı-aq kásiporynnyń óńir men elimizdiń áleýmettik-ekonomıkalyq damýyna odan ári qosqan úlesine basa nazar aýdarylýda. Sıfrlyq format sybaılas jemqorlyq táýekelderin jáne adamı faktordyń áserin joıýǵa múmkindik beredi.
Búgingi tańda Úkimet memlekettik qoldaý sharalarynyń ónerkásip salasyn damytýǵa áserine keńeıtilgen taldaý júrgizedi. Jańa aqparattyq platforma kásipkerlik belsendilik boıynsha derekterdi memlekettik qoldaý sharalaryn alǵanǵa deıin jáne odan keıin dınamıkada kórsetedi.
Platformada otandyq kásiporyndar, olardyń júktemesi, shyǵarylatyn ónimder, syrtqy saýda qyzmeti, qyzmetkerler sany, sondaı-aq olarmen jasalǵan sharttar, onyń ishinde uzaq merzimdi jáne ofteık- kelisimsharttar týraly derekter bar. Júıe memlekettik organdarǵa proaktıvti formatta taldaý, monıtorıng júrgizýge jáne bızneske ýaqtyly qoldaý kórsetý úshin basqarýshylyq sheshimder qabyldaýǵa múmkindik beredi.
О́nerkásip jáne qurylys mınıstri Qanat Sharlapaev 2 myńnan astam otandyq kásiporynnyń derekter júıesine júktelgeni týraly baıandady, otandyq ónimdi áleýetti satyp alýshylar sanalatyn retteletin satyp alý sýbektileri — kompanııalar týraly málimetter bar, sondaı-aq jer qoınaýyn paıdalanýshylar men bıznes arasynda jasalǵan uzaq merzimdi sharttar týraly aqparat júktelgen.
Smart Data Ukimet aqparattyq-taldaý júıesi negizinde ázirlengen Platforma buryn shashyrańqy aqparattyq júıelerden alynǵan derekterdi biriktiredi jáne júıeleıdi. Ol qarjy, Eńbek jáne áleýmettik qorǵaý mınıstrlikteriniń, SK-Farmasııa, «Samuryq-Qazyna Kelisimshart» JShS, elektrondyq satyp alýlar, kvazımemlekettik sektordyń (Mitwork) jáne jer qoınaýyn paıdalanýshylardyń (NadLock) retteletin satyp alýlarynyń bazalarymen tolyq ıntegrasııalanǵan. Sonymen qatar «Damý» kásipkerlikti damytý qory men «Báıterek» holdınginiń qazaqstandyq kásiporyndarǵa kórsetiletin qoldaý sharalary týraly derekteri júkteldi. Aqparatty jańartý onlaın rejıminde júzege asyrylady.
Sıfrlyq damý, ınnovasııalar jáne aeroǵarysh ónerkásibi, densaýlyq saqtaý, Qarjy mınıstrlikteriniń basshylary da platformany toltyrý jáne praktıkalyq qoldaný boıynsha atqarylǵan jumystar týraly baıandady.
