Foto: Bas prokýratýra
Memleket basshysy bıylǵy Qazaqstan halqyna Joldaýynda «Zańsyz ıemdenilgen aktıvterdi memleketke qaıtarý týraly» Zańnyń sýbektileri áleýmettik-mádenı obektilerdi salýǵa qatysýy qajettigin atap ótken edi.
Bas prokýratýranyń habarlaýynsha, aktıvterdi qaıtarý boıynsha júrgizilip jatqan jumystar aıasynda tizilim sýbektilerimen 12 mlrd teńgege áleýmettik jobalardy iske asyrý boıynsha 4 kelisimge qol qoıylǵan.
Solardyń biri – Almaty qalasynda zamanaýı mádenıet ortalyǵyn salý jobasy. Onyń aýdany úsh myń sharshy metrden asady jáne arnaıy zaldar men ámbebap kórme alańdaryn, bilim berý jáne demalys oryndaryn qamtıdy.
Obekt iske qosylǵannan keıin jyl saıyn halyqtyń áleýmettik osal toptarynan kelýshilerge tegin repetısııalar men sheberlik sabaqtary ótkiziledi dep josparlanǵan.
Sonymen qatar, taǵy biri Shymkentte muqtaj otbasylardy odan ári qamtamasyz etý úshin memleket menshigine ótetin kópqabatty turǵyn úı qurylysy.
Bul baǵyttaǵy jumystardyń áli de jalǵasyp jatqandyǵy habarlandy.
