Foto: Týrızm jáne sport mınıstrligi
Memleket basshysy óziniń HHHIII jazǵy Olımpıada oıyndarynyń júldegerlerimen kezdesýinde árbir óńir qandaı sport túrin damytý kerektigine qatysty sheshimdi derbes qabyldaıtynyn synǵa alǵan bolatyn. Osyǵan oraı, Memleket basshysy sport salasyndaǵy barlyq deńgeıdegi basqarý vertıkalin qalpyna keltirý jóninde Úkimetke naqty tapsyrma berdi. Bul komıssııanyń negizgi mindeti - basqarmalar arasyndaǵy jaýapkershilik pen ókilettikterdi naqty ári ádil túrde bólý.
Komıssııanyń jumysy barysynda óńirlik sport basqarmalary basshylyǵyna usynylǵan kandıdattar naqty talaptar boıynsha baǵalanady. Olar kandıdattardyń saladaǵy tájirıbesi men damytý jospary bolýyn, sondaı-aq sport ǵylymynyń negizi men menedjmentin meńgergeni de eskeriledi.
Kandıdattardy usynýdy jergilikti atqarýshy organdar jáne mınıstrlik nemese azamattardyń ózderi júzege asyra alady. Búgingi tańda Pavlodar, Qaraǵandy jáne Túrkistan oblystarynyń sport basqarmalaryna jańa basshylardy taǵaıyndaý jóninde komıssııa otyrysy ótkizildi.
